O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Fanning maqsadi va vazifalari
Fanning maqsadi: O`quvchilarni hozirgi zamon bolalar psixologiyasi fanining ilmiy tushunchalari, qonuniyatlari, shaxs psixikasi, individual-psixologik xususiyatlari bilan, shuningdek, maktabgacha yoshdagi bolalarda psixik taraqqiyot qonuniyatlari, bola shaxsining shakllanishi muammolari haqida bilim berishdan iboratdir.
Fanning vazifasi: O’quvchilarni kasbiy malakalarni egallash va kasbiy faoliyatda qo’llashda psixologik bilimdonlikning zaruriy asoslarini tarkib toptirishdan iboratdir. Fanning nazariy, amaliy, seminar mavzularini o’qitishda interfaol uslublarni keng qo’llash, virtual vositalardan (multimediya, prezentatsiya) foydalanish bilimlarni tez, oson o’zlashtirib, uzoq vaqt xotiralarida saqlashlariga yordam beradi.


Fan bo’yicha o’quvchilarning bilim, ko’nikma va malakalariga qo’yiladigan talablar.
Bilimlar: Fanni o’rganish natijasida o’quvchilar quyidagi bilimlarga ega bo’lishi kerak.

• 
  Psixologiya fanining predmeti, ijtimoiy fan sohasi sifatida va zamonaviy psixologik bilimlarining o`ziga xosligini bilishlari;
  
• 
  psixologiyaning sohalari, tarmoqlari va ilmiy tadqiqot metodlari;
  
• 
  psixikaning yuzaga kelishi va evolyutsiyasi, oliy nerv faoliyati va uning qonuniyatlari, odam psixikasining paydo bo`lishi va rivojlanishi;
  
• 
  shaxs psixologiyasi va shaxslararo munosabatlar, faoliyatning psixologik talqini, ehtiyoj va qiziqishlari;
  
• 
  shaxsning psixik jarayonlari: sezgi, idrok, xotira, tafakkur, nutq, xayol, diqqat;
  

- shaxsning hissiy-irodaviy jarayonlari: his-tuyg`u, iroda;

• 
  shaxsning individual-psixologik xususiyatlari: qobiliyat, temperament va xarakter;
  
• 
  bolalar psixologiyasining predmeti va psixik taraqqiyot qonuniyatlari;
  
• 
  ilk va maktabgacha yoshdagi bola psixik taraqqiyoti va faoliyat turlari jarayonida psixikasining rivojlanishi;
  
• 
  maktabgacha yoshdagi bolalar psixik jarayonlari, holatlari va xususiyatlari;
  
• 
  bola shaxsining shakllanishi xususiyatlari;
  
• 
  psixodiagnostika metodikalari, bolalarni maktabdagi ta’lim jarayoniga tayyorlash haqidagi bilimlarga ega bo`lishlari kerak.