O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Fanning boshqa fanlar bilan bog’liqligi, uslubiy jihatdan uzviyligi va ketma-ketligi.
Tabiat bilan tanishtirish metodikasi fani mutaxasislik fani xisoblanib u ikki semestrda o’qitiladi. Dasturni amalga oshirish umumkasbiy “Maktabgacha ta`lim pedagogikasi”, maxsus fanlardan (“ Nutq o’stirish nazariyasi va metodikasi”, “Maktabgacha ta’lim yoshdagi bolalarning matematik tasavvurlarini rivojlantirish nazariyasi va metodikasi”, “Tasviriy faoliyat”, “Jismoniy tarbiya nazariyasi va metodikasi”, “Musiqa”, “Zoologiya”, “Anatomiya”, “Bolalar adabiyoti”, “Komp`yuter saboqlari”) fanlariga bog`lab olib boriladi, shuningdek “Matematika asoslari” fanlaridan o`quvchilar yetarli bilim va ko’nikmalarga ega bo’lishlari talab etiladi.Ta`lim oluvchilarning nazariy bilimlarini chuqurlashtirish va amaliy ko`nikmalarini rivojlantirish uchun o`quv materiallari turli usullarda taqdim etiladi. Ta`lim jarayonida o`qitishning an`anaviy va interfaol usullaridan foydalanganda ular izchil va ketma-ketlikda qo`llanishi lozim, bunda ta`lim metodlari va texnologiyalari mavzuning didaktik vazifasi hamda o`quv materialining mazmunidan kelib chiqgan holda tanlanadi.
Fanni o`qitishda foydalaniladigan zamonaviy axborot va pedagogik texnologiyalar.
Fanni o`qitishda zamonaviy axborot texnologiyalarni qo`llashda fanni o`zlashtirish uchun omil bo`ladigan zamonaviy axborot texnologiyalarning ahamiyati va o`rni benihoyadir. Oquv jarayonini sifatli tashkil etish maqsadida axborot texnologiyalaridan foydalanish o`quvchilarning kasbiy tayyorgarligini oshirish va kasbiy ko`nikmalarini rivojlantirishda ham muhim omil bo`lib hisoblanadi.
Ta`lim metodlarini tanlashda har bir darsning didaktik vazifasidan kelib chiqib yondoshish maqsadga muvofiqdir. Buning uchun dars oqilona tashkil etilishi, pedagog tomonidan ta`lim oluvchilarning qiziqishi o`rganilib, ta`lim jarayonida faolligi muttasil ta`minlanishi, o`quv materialini kichik-kichik bo`laklarga bo`lib, ularning mazmunini ochib berishda har bir uslubdan o`z o`rnida foydalanish, ta`lim oluvchilarni amaliy mashqlarni mustaqil bajarishga undash talab etiladi. Ana shunday faol ta`lim uslublaridan biri “Case study” hisoblanadi. Yana fanni o`qitishda “Hamkorlikda o`qitish”, “Tarmoqlar”, “Sinkveen”, “BBB”, “Aqliy hujum”, “Kichik guruhlar bilan ishlash”, “Romashka metodi”, “Baliq skeleti”, “Baxs munozara”, “Davra suhbati” kabi texnologiyalardan ,shuningdek, audio-, video-, kompyuter texnikasidan foydalaniladi.
Baholash-ta`lim jarayoninig ma`lum bosqichida o`quv maqsadlarga erishganlik darajasini oldindan belgilangan mezonlar asosida o`lchash, natijalarni aniqlash va tahlil qilishdan iborat jarayondir.Ta`lim jarayonida ta`lim oluvchilarning nazariy bilimlari va aqliy layoqatini baholashda og`zaki va yozma baholash topshiriq shakllaridan foydalaniladi.
Test usuli, reyting tizimi, o`quvchining bilim va ko`nikmalarini egallash jarayonini nazorat qilishdan esa pedagogik jarayon natijalarini xolisona baholashda foydalaniladi.