O‘rta maxsus, kasb–hunar ta’limi markazi «Ixtisoslashtirilgan (maxsus) va boshlang`ich ta`lim muassasalari tarbiyachisi» kasbi bo’yicha

Turli materiallar bilan ishlash
Badiiy qurish - yasash jarayonida ayniqsa karton va rangli qog`ozlardan keng ko`lamda foydalaniladi. O`quvchilar turli o`lchash, belgilash, qirqish, yelimlash, biriktirish, bo`yash, bezatish va shu kabi qo`shimcha ishlarni bajarishlari kerak. Rangli qog`ozlardan qurish - yasash jarayonida o`quvchilar simmetrik shakllarni qirqish, ularni yelimlash orqali hajmdor, yarim hajmdor o`yinchoqlarni, buyumlarni tayyorlash yo`llarini o`rganadilar. “Ona yurtim” mavzusida maketlar tayyorlaydilar.

Chiqindi qog`ozlardan papye-mashe usulida turli-tuman ko`rgazmalar tayyorlaydilar.

Tabiiy materiallar bilan ishlash o`quvchilarning tasavvuri, ijodiy qobiliyatini o`stirish bilan qiziqarli o`yinchoqlar va shu kabilarni tuza olish malakasini ham rivojlantiradi.

Tabiiy materiallardan qurish - yasash jarayonida o`quvchilar turli bo`laklarni o`zaro biriktirish, ulash, qo`zg`aluvchan yoki qo`zg`almas qilib o`rnatish, qumqog`oz, egov, pichoq va shu kabilar bilan ishlov berish usullarini ham o`zlashtirib oladilar. Ayrim hollarda tabiiy materiallardan yasaladigan shakllar, o`yinchoqlarning ifodaliligi, ta’sirchanligini oshirishda tashlandiq va badiiy materiallar ham ishlatiladi.

Tashlandiq materiallardan turli - tuman o`yinchoqlarni yasaydilar. O`quvchilarning tasavvurlari, ijodiy qobiliyatlari, kerakli o`yinchoqlarning namunasini oldidan "ko`ra olish" xususiyatlari rivojlangan bo`lishligi talab etiladi. Ko`pgina tashlandiq materiallar tashqi ko`rinishdan aniq geometrik shaklga ega bo`lib, o`quvchilar ulardan qurish - yasash jarayonida samarali foydalana olishlari mumkin.

Badiiy materiallar deyilganda sirtiga oldindan ayrim tasvirlar, bezaklar va shu kabilar ishlangan hamda keyinchalik qirqib ishlatish uchun mo`ljallangan karton, rangli qog`ozlar, gulli gazlama bo`laklari, charmlar, rangli iplar, folga va shu kabilar nazarda tutiladi.

Badiiy bezash uchun, tikish-bichish ishlari uchun gazlamalardan foydalaniladi.