O’rta maxsus kasb-hunar ta’limi markazi

Spektr-yorqinlik diagrammasi.

Yulduzlarning spektral sinflari va ularning temperaturalari orasida bog'lanish borligi kuzatishlardan ma'lum bo'ldi. Shuning-dek, yulduzlarning yorqinligi ularning absolut yulduz kattaliklari orqali ifodalanishi ham mumkin ekanligi aniq bo'lgach, olimlar bu ikki juft bog'lanishlar orasida ham bog'lanish bo'lishi kerak degan gumon bilan uni qidirishga kirishdilar. Bunday bog'lanishni bir-biridan bexabar holda XX asrning boshlarida daniyalik astronom Gersshprung va amerikalik astrofizik Ressel aniqladilar. Ular yulduzlarning yorqinliklari va spektral sinflari orasidagi bog'lanishni xarakterlovchi grafikni oldilar. Ma'lum bo'lishicha, agar koordinata o'qlaridan biri bo'yicha yulduzlarning spektral sinflari, ikkinchisi bo'yicha esa ularning absolut yulduz kattaliklari qo'yilsa, yulduz­larning bu parametrlari orasidagi bog'lanishlari bir necha guruhga ajralgan holdagi grafik ko'rinishda namoyon bo'lar ekan. Bunday bogianishlarni ifodalovchi diagramma keyinchalik spektr-yorqinlik yoki Gersshprung—Ressel diagrammasi deb ataladigan bo'ldi. Spektr-yorqinlik diagrammasida yulduzlarning absolut yulduz kattaliklariga parallel o'qda, logarifmik shkalada yulduzlarning yorqinliklarini (Quyosh yorqinligi birligida, Lq = 1), spektral sinflari o'qi-ga parallel o'qda esa ularning rang ko'rsatkichlarini yoki effektiv temperaturalarini olish mumkin (110-rasm).

Gersshprung—Ressel dia­grammasi umumiy fizik ta-biatga ega bo'lgan yulduzlarni turli guruhlarga ajratib, ular­ning temperaturasi, yorqin­ligi, spektral sinfi va absolut kattaliklari kabi parametrlari orasidagi bog'lanishlarni aniq-lashga imkon beradigan va yulduzlar fizikasini o'rganish-da muhim ahamiyat kasb etgan diagramma hisoblanadi.

Bu diagrammada yulduzlaming asosiy qismi bosh ketma-ketlik deyiluvchi egrilik bo'ylab joylashib, uning chap qismida yorqinliklari yuqori bo'lgan boshlang'ich spektral sinflarga tegishli yulduzlar joylashadi va o'ng tomonga borgan sayin yulduzlaming yorqinliklari (binobarin, temperaturalari) pasaya borib, keyingi sinflarga tegishli yulduzlar (bosh ketma-ketlik egriligidan) joy oladi.

Bosh ketma-ketlik egriligidan yuqorida nisbatan past tempera-turali, biroq diametri juda katta va shuning uchun ham yuqori yorqinlikka ega bo'lgan, absolut yulduz kattaliklari -4^m, -5^m li o'tagigant va gigant (absolut yulduz kattaliklari 0^m atrofida) yul­duzlar joylashadi. Diagrammaning quyi qismida, asosanA spektral sinfiga va nisbatan kam yorqinlikka ega bo'lgan alohida guruh -mitti yulduzlar joylashadi.

Diagrammada yulduzlaming bir tekis taqsimlanmasligi ular-ning yorqinliklari va temperaturalari orasida sezilarli bog'lanish borligidan darak beradi. Bu bog'lanish, ayniqsa, bosh ketma-ketlikka tegishli yulduzlarda yaxshi aks qiladi.

Biroq yulduzlaming yorqinliklari va spektral sinflari orasidagi bog'lanishni e'tibor bilan o'rganish diagrammada bosh ketma-ketlikdan boshqa yana bir necha ketma-ketliklarning ochilishiga olib keladi. Mazkur ketma-ketliklar yorqinlik sinflari deb yuritiladi va ular I dan VIIgacha rim raqamlaribilanbelgilanadi (111- rasm). Bu raqamlar esa, o'z navbatida, yulduzning spektral sinfidan keyin qo'yiladi.

Yorqinlik sinflari bo'yicha yulduzlar quyidagicha guruhlarga taqsimlanadi:

I sinf - o'tagigantlar. Bu yulduzlar Gersshprung—Ressel diagrammasining tepa qismidan joy olib, o'zlari ham yana bir necha ketma-ketliklarga (I_ao, I_a, I_ab va I_b) bo'linadi.

II sinf - ravshan gigantlar;

III sinf - gigantlar;

IV sinf - subgigantlar;

V sinf - bosh ketma-ketlikning yulduzlari;

VI sinf -ravshan submittilar. Bosh ketma-ketlikdan taxminan bir yulduz kattaligiga farq qilib, uning ostidan joy oladi.

VII sinf - oq mitti yulduzlar, diagrammaning quyi qismidan joy oluvchi yulduzlardir.

Biror yulduzni ma'lum yorqinlik sinfiga tegishliligi spektral sinfning maxsus belgilari orqali aniqlanadi. Masalan, o'tagigantlaming spektri spektrida keng chiziqlari bo'lgan oq mitti yulduz-larnikidan farq qilib, ingichka hamda konturi juda chuqur (inten-sivligi yuqori) spektral chiziqlarga ega bo'ladi. Ma'lum spektral sinfga tegishli mitti yulduzlarning shunday spektral sinfdagi gigant-lardan farqi shundaki, mitti yulduzlarning spektrida ayrim metall chiziqlari gigantlarnikiga nisbatan kuchsiz bo'lgani holda, boshqa metallarga tegishli chiziqlari, intensivliklariga ko'ra, juda kam farq qiladilar.

Yulduzlarning spektral sinflari ularning yorqinlik sinflari bilan qo'shib o'rganilganda, yulduzlarning absolut kattaliklarini aniq-lashga imkon beradi. Yulduzlarning aniqlangan absolut yulduz kattaliklari esa, o'z navbatida, yulduzlargacha masofani aniqlashga imkon beradi.

Yulduzlar yorqinligining ularning spektridagi aniq chiziqlar intensivliklarining nisbatiga empirik bogiiqligiga asoslangan yul­duzlargacha masofalarini aniqlash metodi, yuqorida eslatilgani-dek, spektral parallaks metodi deb yuritiladi.

pektral parallaks metodining trigonometrik metodlardan afzal-ligi shundaki, spektral parallaks juda katta masofada yotgan va spektrlarini olish imkoni bo'lgan barcha yoritgichlarning ham masofalarini aniqlashga imkon beradi .