O'rta maxsus, kasb-hunar ta'limi markazi o'zbekiston respublikasi sog'liqni saqlash vazirligi oliy va o'rta tibbiy ta'lim bo'yicha o'quv-uslubiy idorasi

9.4. Infuzion terapiya. Parenteral yo'l bilan ovqatlantirish
Tomirlarga katetrlar qo'yiladi, vena bilan ishlanadi, katetr parvarish qilib boriladi. Bundan keyingi vazifa infuzion terapiyani oqilona va savodli o'tkazishdan iborat. Har qanday holatda ham reanimatolog va hamshira infuzion terapiyani boshlashdan oldin quyidagilarni bilishlari va savollarga javob topa bilishlari kerak:

• 
  infuzion-transfuzion terapiyaga nima majbur qildi: qon
  ketishimi, suyuqliklar yoki elektrolitlar yo'qolishimi, parenteral
  ovqatlantirishmi (majbur etgan sabablarning asosiy belgilari
  nimalardan iborat?);
  
• 
  bemor uchun sutka mobaynida quyiladigan va yo'qotilgan
  moddalar miqdorini hamda qo'shimcha sabablarini (giper-
  termiya, oqmalar tarzida suyuqlik yo'qolishi, diabet va boshqalar)
  hisobga olgan holda hisoblab chiqishni;
  
• 
  quyiladigan moddalarning (suyuqliklar va dorilar) muno-
  sabatini aniqlash;
  

• 
  moddalarni quyish tartibi, vaqti, tezligini va miqdorini
  bemor holatiga qarab aniqlash;
  
• 
  infuzion terapiyaning foydasi va samarasini aniqlay olish,
  uni baholash uchun bemorning ahvoli, klinik belgilari va laboratoriya
  ko'rsatkichlariga asoslanish;
  
• 
  uzoq davom etgan infuzion terapiyaning kichik operatsiya
  ekanligini va turli asoratlarga olib kelishini unutmaslik;
  
• 
  quyish tezligi chegaralanib, MVBni vaqti-vaqti bilan o'lchab
  turish;
  

• 
  flakon yorlig'iga bemorning ismi va familiyasi, qachon
  quyilishi yozib qo'yilgandan keyin sutka mobaynida flakonning
  saqlanishini nazorat qilish;
  
• 
  quyiladigan suyuqliklarning muddati, flakon-idishlarning
  butunligi va suyuqliklarning rangi, qopqog'ining holatiga e'tibor
  berish.