O‘rta maxsus, kasb-hunar ta’limi markazi m. Rahimov quduqlarni burg‘ilash

Murakkab  sharoit  deb  quduqning  normal  burg‘ilash  holati
buzilishiga yoki juda samarasiz davom ettirilishiga aytiladi. Murakkab
sharoitlar ko‘pincha geologik xarakterdagi yoki texnologik jarayon-
ning buzilishi bilan bog‘liq bo‘ladi.
Kolonkaviy burg‘ilashda avariyalar  to‘rtta  guruhga ajratiladi.
1) quvur va jinslarni parchalovchi asboblarning uzilishi;
2)  quvur  va  jinslarni  parchalovchi  asboblarning  rezbasidan
yechilib ketishi;
3) quvur va jinslarni parchalovchi asbobning qisilib qolishi;
4) burg‘ilash snaryadi, quvur va begona predmetlarning quduq
ichiga tushib ketishi.
Uzilishlar burg‘ilash, obsadka va kolonkaviy quvurlarda yuz
berishi mumkin. Burg‘ilash quvurlarining uzilishiga asosiy sabab,
ularning ustki qismidagi tutashtirish rezbalarining sifati pastligi va
burg‘ilash quvurlari kolonnasiga katta  og‘irlik kuchlari  berilganligi
hisoblanadi.
Kolonkaviy va obsadka quvurlari, asosan, tutashtirish element-
laridan uziladi.
Quduq ichiga begona predmetlarning tushib ketishi burg‘ilash
brigadasining o‘z ishiga mas’uliyatsiz qarashi oqibatida,  profilaktik
va ta’mirlash ishlari olib borilayotganda quduq usti yopib qo‘yil-
magan bo‘lsa, yuz beradi.
Burg‘ilash quvurlarining yechilib  ketishi burg‘ilash snaryadini
ko‘tarib-tushirishda rezbali tutashtirish  elementining yetarli darajada
tortilmagani tufayli yuz beradi.

---

204
Obsadka quvurlarining yechilib ketishi ko‘pincha obsadka quvuri
ostki qismida ro‘y beradi. Ushbu avariyaning sababi — obsadka quvuri
bashmagini    mustahkam  bo‘lmagan  jinslarga  qo‘yilishi  bilan
burg‘ilash quvuri tebranishi ta’sirida bashmak  ostidagi jinslar to‘kilib
ketadi va ostki obsadka quvuri pastga tushib ketishi mumkin bo‘ladi.
Eng keng tarqalgan va murakkab avariyalardan biri burg‘ilash
snaryadlarining qisilib qolishi hisoblanadi.