O‘rta maxsus, kasb-hunar ta’limi markazi m. Rahimov quduqlarni burg‘ilash

Elektrobur bilan burg‘ilashda  jinslarni  parchalovchi asbob
moy bilan to‘ldirilgan  o‘zgaruvchan tokda  ishlaydigan  zaboy
elektrodvigateli  yordamida aylantiriladi. Elektrobur  kichik diametrga
va kam uzunlikka  ega. Burg‘ilash quvurlari kolonnasi  bunda ham
harakatsiz bo‘ladi. Shuning uchun ham kolonnaga ta’sir etadigan
burovchi  moment  qisqaradi,  o‘zgaruvchan    quvurlarga  ta’sir
etadigan eguvchi kuch bo‘lmaydi  va ta’sir  etuvchi dinamik yuklama
umuman bo‘lmaydi. Burg‘ilash quvurlari  qulay sharoitlarda  ishlaydi,
natijada ularning ish faoliyati uzayadi. Elektrodvigatelga  elektr  ener-
giyasi  burg‘ilash  quvurlari  ichiga  joylashtirilgan  kabel  bilan
yetkaziladi, burg‘ilash quvurlari ulanganda avtomatik ravishda kabel
ham o‘zaro ulanadi. Yuvish suyuqligi zaboyga quvur ichki devori
va kabel  orasidagi tirqish orqali yuboriladi.
Chuqur aylanma burg‘ilash, asosan, kurakchali, sharoshkali,
olmosli va boshqa  dolotolar bilan amalga oshiriladi.
Rotorli  burg‘ilash va elektrobur bilan burg‘ilash yuvish suyuq-
ligi yoki qisilgan  havo bilan olib borilishi  mumkin (7.1-rasm).
Aylanma  burg‘ilash usuli  bilan burg‘ilash chuqurligi 12 km ga
yetadi.  Quduqlarning diametrlari 76 mm dan 590 mm gacha o‘zga-
rishi mumkin.
Chuqur  aylanma  burg‘ilashning  barcha  turlarida  bir  xildagi
murakkab  burg‘ilash  qurilmalari    ishlatiladi,  ularning  umumiy
o‘rnatilgan quvvati 4000 kW ni tashkil etadi.

---

163
Neft va gaz konlarini  razvedka-eksplutatsiya qilishda aylanma
rotorli burg‘ilash asosiy vosita sifatida ahamiyatga ega. Undan  tashqari
rotorli kernsiz  burg‘ilash suv quduqlari, portlatish,  gidrotermal
va turli maqsadlardagi  quduqlarni burg‘ilashda  keng ishlatiladi.
Aylanma  kernsiz    burg‘ilash  barcha  qattiqlikdagi  I  dan  XII
kategoriyagacha  bo‘lgan  jinslarni  burg‘ilash  imkonini  beradi.
Yumshoq  tog‘  jinslarini  burg‘ilashda  mexanik  tezlik  100  m/s,
kommersiya  tezligi 6—9 ming m/st.oy. ni  tashkil etishi mumkin.