O‘rta maxsus, kasb-hunar ta’limi markazi m. Rahimov quduqlarni burg‘ilash

3.4-§. Kolonkaviy  burg‘ilash  qurilmalari
Burg‘ilash  qurilmasi  deb,  burg‘ilash  va  energetik  uskunalar
kompleksiga,
  shu  bilan  birga  quduqni  burg‘ilash  uchun  xizmat
qiladigan binolar (vishka yoki machta va burg‘ilash binosi) ga aytiladi.
Burg‘ilash qurilmasi tarkibiga burg‘ilash binosiga joylashtirilgan
burg‘ilash agregati va burg‘ilash vishkasi kiradi. Burg‘ilash agregati
o‘z  ichiga  burg‘ilash  stanogi,  burg‘ilash  nasosi  va  ularga  kerak
bo‘ladigan kuch uzatmalari hamda burg‘ilash jarayonini idora va
nazorat qilish apparaturalarini oladi.
Kolonkaviy  burg‘ilash  qurilmalari  transportabelligiga  qarab
o‘ziyurar, ko‘chma, statsionar va olib yuriladiganlarga bo‘linadi.
O‘ziyurar burg‘ilash qurilmalari avtomashina yoki traktorlar
bazasiga montaj qilingan bo‘ladi.
Ko‘chma burg‘ilash qurilmalari chana, g‘ildirakli yoki guse-
nitsali aravalarga bir yoki bir necha ramalarga o‘rnatilgan bo‘ladi.
Bunday  burg‘ilash qurilmalari  quduqlar orasidagi  masofalar
kichik bo‘lgan sharoitlarda ishlatiladi va avtomashina yoki traktorlar
bilan ko‘chiriladi.
Statsionar burg‘ilash qurilmalarida burg‘ilash agregati va vishkasi
bir yoki bir necha bloklarga montaj qilingan bo‘ladi.
Burg‘ilash  ishlari  tugagach,  qurilmaning  elementlari  yangi
burg‘ilash nuqtasiga universal transport vositalari yordamida olib
boriladi.
Ko‘tarib yuriladigan qurilmalar murakkab sharoitlarda uncha
chuqur bo‘lmagan quduqlarni burg‘ilash uchun ishlatiladi.  Ular
kichik massadagi uzellarga bo‘linadi va qo‘lda yoki hayvonlarda
tashiladi.