O‘rta maxsus, kasb-hunar ta’limi markazi iskandar tuxliyev bahodirxon safarov turizm asoslari

6. 2 Turizmga oid hujjatlar: turistik firmada uslubiy ta’minot, asosiy turizm hujjatlarini aniqlash.

Turoperator tashkil qilgan turistik mahsulotning firmadagi uslubiy ta’minlanishini ko‘zda tutadi. Uslubiy ta’minot deganda sayohatni, uning amalga oshirilishi va sayyohlarga taqdim etiladigan xizmatlarni batafsil tavsiyalaydigan maxsus texnologik hujjatlarni tayyorlash tushuniladi. Bu – firma xodimlarining aniq va tezkor faoliyati yuritishlari uchun, shuningdek, sayohat mazmuni, uning amalga oshirilishi hamda takomillash ishlarini doimiy nazorat qilish uchun zarurdir.

Sayohatlar texnologik hujjatlari tarkibi va mazmuni me’yoriy hujjatlarda ko‘rsatilgan talablarga javob berishi lozim. Ular turizm mahsulotini sertifikatlash jarayonida nazorat qilinadi. Texnologik hujjatlar sayohatlarga oid (yoki yo‘nalishlar) tegishli papkalarga joylashtiriladi.
Har bir sayohat uchun texnologik hujjatlar majmuyi quyidagicha:
– yo‘nalish bo‘yicha turistik sayohatning texnologik xaritasi;
– turizm tashkilotining sayyohlar guruhlari bilan ma’lum vaqtga yuklanganlik jadvali;
– turizm sayohati yo‘llanmasiga ma’lumot varaqasi;
– «Tur–1» turizm yo‘llanmasining namunaviy shakldagi blankalari;
– bron qilish varaqasi;
– mijoz va turagentlar o‘rtasidagi shartnomalar blankalari;
– hamkorlikda xizmat taqdim qiluvchilar (mehmonxonalar, transport kompaniyalari, sayohat byurolari va hokazolar) bilan shartnomalar;
– sayohat xarajatlarini hisoblash;
– yo‘nalish tafsilotlari;
– yo‘nalish bo‘yicha harakatlanish jadvali;
– yo‘nalishning xarita-chizmasi;
– yo‘l ma’lumotlari matni (avtobusda sayohat qilish uchun);
– sayohat texnik o‘ziga xosliklarining tasviri (transportga buyurtmalar, chiptalar, ekskursiyalar va mehmonxonalarga xona buyurtma berish, ovqatlanish tadbirlariga buyurtma berish muddati haqida eslatma;
– arizalar blankalari;
– transport vositasining yo‘nalish bo‘yicha harakatlanish jadvali;
– ehtimolli transport almashtirish, kutish haqidagi eslatmalar);
– turistlar uchun eslatmalar matni (alohida vaziyatlarda, masalan: karantin o‘rnatilgan mamlakatlarga safar uchun, maxsus sport yoki sarguzasht sayohatlar uchun va hokazolar);
– yo‘nalish bo‘yicha ma’lumot materiallari;
– reklama vositalarining variantlari;
– prays varaqalar (kataloglar).
Avtobusdagi turlarda avtobus yo‘nalishi pasporti to‘ldiriladi (xorijiy variantda safar varaqasi). Bu hujjat O‘zbekiston Respublikasi Transport vazirligi tomonidan tasdiqlangan bo‘lib, unda nafaqat yo‘nalish chizmasi va xizmatlar texnologiyasi, balki avtobusning texnik jihatlari, avtoyo‘llar xususiyatlari va masofasi, avtoyo‘l harakati ta’qiqlari va cheklashlar, hordiq va ovqatlanish joylari, sanitar xizmat manzillari aks ettiriladi.