O’rta asrlar davri

1187-1193-yillar - Xorazmshoh Takash Nishopur, Ray va Marv shaharlarini zabt etadi.
1187-yil - Misr sultoni Salohiddin Ayubiy salibchilardan Quddusni tortib oladi.
1194-yil - Xorazmshoh Takash saljuqiylar sultoni To’g’rulga qaqshatqich zarba berib, Eronni Xorazmga bo’ysundiradi.
1198-1216-yillar - katolik cherkovi o’z qudrati cho’qqisiga Innokentiy III papaligi davrida erishdi.
1198-1231-yillar Jaloliddin Manguberdi (to‘liq ismi Jaloliddin ibn Alovuddin Muhammad) yashagan yillar.
1199-1216-yillar - Ioann qirolligi.
1200-1220-yillar - Xorazmshoh Alovuddin Muhammad hukmronligi davri.
1202-1204-yillar - to’rtinchi salib yurishlari.
1204-1261-yillar - Lotin imperiyasi faoliyat ko’rsatgan davri.
1204-yil - salibchilar qo’shini Konstantinopolga hujum boshlaydi.
1206-1526-yillar - Dehli sultonligi faoliyat yuritgan davr.
1206-yil - Onon daryosi bo’yida chaqirilgan mo’g’ul urug’ va qabila boshliqlarining qurultoyida Temuchin ulug’xon (qoon) deb e’lon qilinadi, unga «Chingiz» laqabi beriladi va Mo’g’ullar davlatiga asos solinadi.
1206-yil - Xorazmshohlar Movarounnahrni qoraxitoylarga qaramlikdan ozod etishga kirishdi.
1210-yil - O’tror aholisi xorazmshohga qarshi qo’zg’alon ko’tardilar.
1210-yil - Talos vodiysida qoraxitoylar mag’lubiyatga uchratiladi.Yettisuvgacha bo’lgan yerlar Xorazmshohlar davlati tasarrufiga olinadi.