Orqali bartaraf etish

1.

 

Mudoraba sarmoyaviy omonat bitimi.  

Ushbu  bitim  ikki  yoki  undan  ortiq  taraflar  o’rtasida  biznes  yoki  savdo  yuritishdagi 

sherikchilikni  o’zida  aks  ettiradi,  bunda  bir  tomon-sarmoyador  (rabb  al-mal)  mablag’larni 

beradi,  boshqa  tomon-  bank  (mudorib)  esa  investorning  kapitalini  boshqarish  uchun  o’z 

bilim  va  tajribasi  bilan  ishtirok  etadi.  Bunda  tomonlar  agar  loyiha  (tadbirkorlik  faoliyati) 

natijasida  foyda  olinsa,  unda  u  (foyda)  hamkorlar  o'rtasida  tuzilgan  shartnoma  asosida 

taqsimlanadi, aksincha bo'lsa (ya'ni zarar ko'rilsa), sarmoyador moliyaviy zarar ko'radi, o'z 

iqtidori va mehnati bilan hamkorlikka kirishgan sherik esa loyihaga (tadbirkorlik faoliyatiga) 

sarflagan  mehnati  va  vaqtini  yo'qotadi.  Shuningdek,  agar  zarar  mudoribning  xatosi  tufayli 

ko'rilgan bo'lsa, u xolda uning mutaxassis sifatidagi obro'siga putur etadi, agar mudoribning 

loqaydligi,  imzolangan  shartnomaga  yoki  tasdiqlangan  loyiha  shartlariga  rioya  qilmaganligi 

oqibatida zarar ko'rilgan bo'lsa, u holda zarar mudorib tomonidan qoplanadi.  

Shariat  har  qanday  moliyaviy  munosabat  va  faoliyat  jarayonida  ta’qiqlaydigan 

elementlardan holi ravishda mudoraba bitimini amalga oshirishda bir necha muhim shartlar 

mavjud bo’lib, ularni quyida ko’rib chiqamiz: 



 

sarmoya  egasining  tadbirkorlik  loyihasiga  kiritgan  sarmoyasi  evaziga  daromad 

miqdorini avvaldan belgilab qo'yishi, ya'ni daromad miqdorining loyiha natijasiga (foyda yoki 

zarar  bilan  chiqishiga)  bog'liq  bo'lmasligi  mumkin  emas,  sababi,  har  qanday  oldindan 

belgilangan foyda ustidan kafillik islomiy nuqtayi nazardan 

ribo

 

(sudxo’rlik) sanaladi; 



 

mudarib,  ya'ni  iqtidor/mehnat  egasining  hamkorlikdagi  faoliyat  davomida  o'z 

mehnatiga  maosh  talab  qilishi  mumkin  emas  (kelajakdagi  ko'rilishi  mumkin  bo'lgan  foyda 

hisobidan bo'ladimi yoki undan tashqarimi, farqi yo'q). Yuqorida aytib o'tilgandek, mudorib 

faqat  loyiha  natijasida  olinishi  mumkin  bo'lgan  foyda  hisobidangina  ulush  olishi  mumkin. 

Tomonlardan  birining  o'zi  uchun  oldindan,  ya'ni  faoliyat  natijasi  aniq  bo'lmasidan  turib 

belgilangan  miqdorda  foyda  yoki  maosh  olishga  intilishi  ikkinchi  tarafga  nisbatan  ayni 

adolatsizlik  (chunki  loyiha  natijalari  har  xil  bo'lishi  mumkin)  va  albatta  bunday  adolatsizlik 

kishilar  o'rtasida  nafrat  va  adovat  paydo  bo'lishiga  olib  boradi  va  jamiyatdagi 

munosabatlarni  izdan  chiqaradi.  Bu  kabi  jarayonlarning  olib  borilishi  islom  moliyasi 

ta’qiqlovchi yana bir element 

g’arar

 

(noaniqlik, spekulyativ holatlar)ning kelib chiqishining 

oldini oladi.  

Mudoraba shartnomalari bank va tadbirkor o’rtasida, shuningdek, omonatchi va bank 

o’rtasida ham tuzilishi mumkin. Dastlabki holatda, bank loyihani moliyalashtirganligi sababli 

tadbirkor  mudorib  sifatida  qatnashsa,  keyingi  holatda  omonatchi  sarmoyador  sifatida 

ishtirok  etganligi  sababli  bu  vazifani  bank  bajaradi.  Bank  va  tadbirkor  o’rtasida  mudoraba 

bitimini amalga oshirish jarayoni quyidagi chizmada keltirilgan (1-rasm):