"O'rganilayotgan mintaqa iqtisodi (xitoy iqtisodiyoti)" fanidan o'quv uslubiy majmua

Fanning o‘quv rejadagi boshqa fanlar bilan o‘zaro bog‘liqligi va usluiy jixatdan uzviy ketma – ketligi
Xitoy iqtisodi fani umumkasbiy fanlarini 3 blokiga kirib, ushbu kurs bakalavriat bosqichining 3-4-5-6-7-8-semestrlarida o‘qitiladi. Ushbu o‘quv fani o‘quv rejasining quyidagi fanlari balan bog‘liqlikda va uzviy ketma – ketlikda o‘qitiladi: Ushbu o‘quv fanining o‘zlashtirish uchun o‘quv rejasida ko‘zda tutilgan 1-blok gumanitar va ijtimoiy – iqtisodiy fanlar (iqtisodiy nazariya), 2-blok matematik va tabiiy fanlar (Xitoy georafiyasi, Xitoy tarixi), 3-blok umumkasbiy fanlari (iqtisodiy ta’limotlar tarixi, o‘rganilayotgan mamlakat ijtimoiy – siyosiy tizimi, jaxon iqtisodi, makro mikroiqtisodiyot, xadqaro iqtisodiy munosabatlar, iqtisodiy statistika, o‘rganilayotgan mintaqada investisiya muammolari), 4-blok maxsus fanlar (xalqaro soliq tizimi, xalqaro bank tizimi)dan yetarli bilim hamda ko‘nikmalarga ega bo‘lish talab etiladi.
Fanning ishlab chiqarishdagi o‘rni
Milliy iqtisodiyot jamiyat ijtimoiy – iqtisodiy barfarorligi va farovonligining moddiy asosi bo‘lib, uning kengayib, iqtisodiy o‘sish sur’atlarining jadallashishi davlat kuch-qudratining uzluksiz oshib borishida xam xal qiluvchi rol o‘ynaydi. Xususan, Xitoy iqtisodi rivojlanishining shart – sharoitlari va uning iqtisodiy o‘sish omillarini o‘rganmasdan, hamda ushbu mamlakat iqtisodining hozirgi kundagi iqtisodiy jixatdan o‘sish sur’atlarining yuqoriligi tajribasiga murojaat qilish va uning ilg‘or tajribalarining ayrim yo‘nalishlarini O‘zbekiston amaliyotiga joriy qilish, ya’ni O‘zbekistonda xitoy-o‘zbek qo‘shma korxonalarini faoliyat olib borishida mana shu bilimlarni puxta egallagan malakali kadrlarni tayyorlash bilan foydali bo‘lish nuqtai nazaridan, fanning ishlab chiqarishdagi o‘rni benihoya kattadir
Fanni o‘qitishda zamonaviy axborot va pedagogik texnologiyalar.
Talabalarning Xitoy iqtisodi fanini yuqori darajada o‘zlashtirishlari uchun o‘qitishning ilg‘or va zamonaviy usullaridan foydalashin, yangi axborot texnologiyalarini ushbu jarayonga tadbiq etish muhim axamiyatga egadir. Xususan, ushbu fan bo‘yicha slaydlar, testlar, multimediyalardan prezentatsiya qilish usuli orqali keng foydalanish ko‘zda tutilgan. Fanni o‘zlashtirishda, fan bo‘yicha bilim berishda va o‘qitishda ko‘rgazmali qurollar, tarqatma materiallar, interaktiv va masofaviy usullardan keng foydalaniladi. Shuningdek, XXR Davlat statistika qo‘mitasi, Iqtisodiyot vazirligi, Xalqaro iqtisodiy tashkilotlar va ilmiy tadqiqot markazlari, Xitoy elchixonasi va Xitoy milliy markazi tomonidan nashr etilgan statistik va taxliliy to‘plamlar materiallaridan keng foydalanish ko‘zda tutilgandir.