Organik kimyo

2-tajriba. Etilyodidning olinishi.

Ishning borishi: Kolbaga 1,4g qizil fosfor va 5g (6,5ml) etil spirt soling. Alohida probirkada 14 g yod o’lchab soling. Kolbani muzli suv bilan sovitib turib sovutkich suvga ulang va ustki probirkani zich berkitishni unutmang. Hamma yod qo’shib bo’lingandan keyin muzli suvni olib issiq suv hammomida (90-100°C) aralashmani qaynatib yarim soatcha qizdiring. Keyin soviguncha kuting. Bir teshikli nasadkani ikki teshikligiga almashtirib, kolbani gorelka alangasida extiyotlik bilan qizdirib aralashmani xaydang. Etilyodid yig’iladigan probirkaga qo’ng’ir rangli suyuqlik tushishini kuzating. Hosil qilingan moddani tozalashga zarurat bo’lsa, uni ajratish voronkasida dastlab suyultirilgan ishqor eritmasi bilan, keyin suv bilan asta-sekin chayqating. Etilyodid suvdan og’ir bo’lgani uchun aralashmaning pastki qatlamida bo’lishini esda tuting.