Қорақолпоғистон Республикаси Қўнғирот туман мактабгача таълим бўлимига қарашли 14 сонли мактабгача таълим муассасаси

Тест 9. Кетма-кет расм (нутқ, тафаккур )



Мақсад: Боланинг воқеликни тушуниш, тасвирларни бир-бирига боғлаган холда изчил ҳикоя туза олиш қобилиятини аниқлаш
Боланинг олдига расмлар тартибсиз тарзда териб қўйилади.
Психолог: «Бу расмлар чалкашиб кетган. Уларни шундай жойлаштиргинки натижада бир бутун хикоя тузиш мумкин бўлсин.».
Бахолаш мезонлари:
• бола мустақил равшда расмларнинг мантиқий кетма-кетлигини тўғри аниқлайди ва изчил ҳикоя тузади – 2 балл.
• бола расмлар кетма –кетлигини аниқлашда хатоларга йўл қўяди, лекин уни (ўзи ёки катталар ёрдамида)тузатади ёки изчил хикоя тузишда қийналади – 1 балл.
• бола расмлар кетма –кетлигида янглишади, хатоларини тушунмайди ёки хикоясида расмдаги айрим тафсилотларнигина тасвирлайди – 0 балл.

Тест 10. Кесилган расмлар (идрок)

Мақсад: Идрокнинг ривожланиш даражасини, предметнинг яхлит тасвирини ярата олиш қобилиятини аниқлаш.
Болага таниш бирор предметнинг катта расмини олинг ва уни расмда курсатилганидек 4-5 та кисмга бўлиб, қисмларни аралаштириб ташланг.
Психолог: «Бу расм бўлакларига диққат билан қара ва бу ниманинг расми эканлигини айт ва предметнинг бир бутун расмини йиғ».
Бахолаш мезонлари
• Бола қисмларни кузатиб тасвирни тўғри топади ва расмни мустақил йиғади – 2 балл
• Бола кесилган расмларда нима тасвирланганлигини аниқлай олмайди, расмни намуналар ёрдамида йиғади – 1 балл
• Бола вазифани бажара олмайди – 0 балл.


Тест 11. Бу нимага ўхшайди? (тасаввур)

Мақсад: боланинг тасаввур даражасини, тафаккурининг ўзига хослиги ва мослашувчанлиги даражасини аниқлаш
Болага учта расмли карта навбат билан кўрсатилади.
Психолог: «Расмга диққат билан қара, у нимага ўхшайди?».
Бахолаш мезонлари:
• бола 8 - 9та ўхшатиш айта олса (хар бир расмга 3тадан) – 2 балл.
• бола 5 – 6та ўхшатиш айта олса ( ҳар бир расмга 2тадан) – 1 балл.
• бола расмни тушунмайди ёки 2 -3та ўхшатиш айта олса – 0 балл.