Қорақалпоқ давлат университети

Ayniqsa, og‘zaki muloqot yuzma-yuz shaklda bo‘lsa, ta’sirchanlikni oshiruvchi nolisoniy vositalardan ham samarali foydalanish mumkin. Yuzma-yuz muloqotning eng muhim xususiyati shundaki, kinetik nutq (tana tili) orqali ham ko‘plab axborotlarni yetkazish imkoniyati tug‘iladi.

Tilshunoslik terminlari lug‘atida kinetik nutq: Turli imo-ishora, tana a’zolari harakatidan aloqa vositasi sifatida foydalanish; shunday vazifa bajaruvchi imo-ishora xatti-harakatlar, - deya izohlanadi. Gap shundaki, inson lisoniy vositalar orqali yetkaza olmaydigan ko‘plab axborotlarni kinetik nutq orqali to‘liq ifodalay oladi. Ayniqsa, munosabat bildirishda verbal vositalar kinetik nutq o‘rnini hech qachon bosa olmaydi.

Tana tili (kinetik nutq)ning yana bir xususiyati shundaki, unda axborotni yashirish, soxtalashtirish yoki yolg‘on axborot uzatish deyarli mumkin emas. Chunki tana tili ko‘pchilik holda inson tafakkuridan tashqarida faoliyat olib boradi. Uni faqat aktyorlargina boshqarishi mumkin. Bu hodisa ko‘proq muloqotning interaktiv xususiyatlari doirasida o‘rganiladi.

Xulosa qiladigan bo‘lsak, nutqning ta’sirchanligiga erishish uchun uning kommunikativ sifatlaridan tashqari yuqorida sanab o‘tilgan omillarni ham hisobga olish zarurdir.

• TINGLASH ODOBI – MADANIYAT BELGISI