O’quvchilarni kasb-hunarga yo’naltirish va psixologik-pedagogik respublika tashxis markazi

Farzandim endi 5-sinfda
(5-sinf o’quvchilarining ota-onalari yig’ilishi)


Maqsad: bolani o’rta maktabga moslashishi masalasi bo’yicha ota-onalarga psixologik maslahatlar berish.
Jihoz va materiallar: anketa uchun blankalar (1 ilova), sharikli ruchkalar, “maktabdagi tuyg’ularim” anketa natijalari yozilgan plakat (2 ilova); o’quvchilarni maktab hayotidan qoniqqanligi diagnostikasi natijalari yozilgan plakat (3 ilova).
Sinfni jihozlash: “Maktabda menga nimalar yoqadi” mavzusidagi o’quvchilarning rasmlari.
Majlisga tayyorlanish:
O’quvchilarni quyidagi mavzular yuzasidan oldindan tayyorlash:

1. 
   “5 sinfga o’tganingda hayotingda qanday o’zgarishlar bo’ldi?” (1 ilova).
   
2. 
   “Maktabdagi tuyg’ularim” (2 ilova)
   
3. 
   “O’quvchilarni maktab hayotidan qoniqqanligini o’rganish” (3 ilova)
   

Majlisning borishi

1. 
   Psixologning chiqishi.
   

Har yili ko’plab o’quvchilar xursand bo’lib boshlang’ich sinfni tugatib, o’rta, ya’ni beshinchi sinfga borishadi. Lekin o’quv yilining ikkinchi xaftasidanoq o’quvchilar va ularning ota-onalari qanday qiyinchiliklarga duch kelishlarini bilmaydilar. Sentyabr oyining oxiriga kelib ota-onalarni, o’qituvchilarni “bolalarga nima bo’ldi? ular hech qachon bunday bo’lmaganlar” degan savollar qiynaydi. Bir-biri bilan ahil, aqlli bolalar birdaniga tanib bo’lmas darajada o’zgaradilar. Boshlang’ich sinfdan o’rta sinfga o’tish davrida har bir o’quvchi muammolarga duch keladi. 5 sinf o’quvchilarining yoshini kichik maktab yoshidan kichik o’smirlikka o’tish deb atash mumkin. Bu yosh psixologik jixatdan ulg’ayish hissini egallash bilan ham bog’liq.

“Ulg’ayish hissi” nima?

O’zlikni anglash murakkab bo’lsa ham, o’zini shaxs sifatida topish barchadan, shu kungacha unga ta’sir o’tkazib kelgan eng avvalo oilasi, ota onasidan uzoqlashish istagini keltirib chiqaradi. Shu yerda kattalar bilan nizo kelib chiqadi. Bola (kichik o’smir) o’z noyobligini topishga, “Men”ini anglashga harakat qiladi. Aynan shu sababdan o’smir tengdoshlari bilan o’zaro ishonchli aloqalarni o’rnatishga harakat qiladi. Do’stlashishda ijtimoiy munosabatlarni modellashuvi, hammani yoki kimningdir harakatlari, odamlar munosabatlarining ijtimoiy me’yorlari, ma’naviy qadriyatlarning o’zlashtirilishi sodir bo’ladi.
Bundan tashqari, 5 sinfda o’smir yoshidagi muammolarga yangi ta’lim sharoitlariga ko’nikish muammosi ham qo’shiladi. Moslashuv deganda keng ma’noda atrof muhit sharoitlariga ko’nikish tushuniladi. Har qanday o’qituvchi 5 sinf nafaqat bola, balki o’qituvchi va ota onalar uchun ham qiyin bosqich ekanligini aytadi. Muammolar faqatgina ta’lim jarayoniga emas, balki maktab hayotini tashkil etish va oiladagi psixologik muhitga ham bog’liqdir.
Bugun biz o’quvchilarning psixologik moslashuvi haqida suhbatlashamiz, chunki ular hozir 5-sinfga o’tish bilan bog’liq bo’lgan yangi sharoitlarga moslashishi juda muhim. Moslashish jarayonining qiyinchiliklaridan biri, kattalarning mavjud qiyinchiliklarni anglamasligidir. Aslida esa, 5-sinfga o’tish o’quvchilar uchun xuddi 1-sinfga kelish bilan barobar jiddiy sinovdir. Faqatgina ota-onalar va eng yaqin odamlar bolalarga bu sinovdan o’ta olishga yordam berishlari mumkin. Lekin moslashish jarayoni va uning xususiyatlarini muhokama qilishdan oldin, birgalikda farzandlarimizning bu bosqichdagi qiyinchiliklari nimadan iborat ekanligini qanchalik tasavvur qilishimizni tushunishimiz uchun quyidagi savollarga javob beramiz.

1. 
   So’rovnoma.
   

Ota onalar so’rovnoma savollariga javob beradilar. (1-ilova). Psixolog:. Keling, endi bolalarning fikrlarini tinglab ko’ramiz. 5-sinfga o’tganlaridan keyin ularning hayotida qanday o’zgarishlar bo’lgan ekan?

2.