O’quvchilarni kasb-hunarga yo’naltirish va psixologik-pedagogik respublika tashxis markazi

Maqsad: O’quvchilarning o’z-o’ziga beradigan bahosini oshirish, har bir shaxsni o’zining takrorlanmas va noyob xususiyatlari borligini anglatish.
Psixolog: “Har bir inson takrorlanmasdir va albatta uning o’ziga xos xususiyati bor. O’ylab ko’ringchi, sizning takrorlanmas va o’ziga xos xususiyatingiz nimada? Har biringiz “Men … sohada birinchiman” deb o’z xususiyatingizni aytishingiz lozim. Albatta har biringiz bu vazifani uddalay olasiz, ammo hozir ushbu jumlani noyob ohangda aytishi mumkin bo’lgan 3 ishtirokchini o’rnidan turishini so’rardim”.
Yakuniy qism:
Ishtirokchilarning mashg’ulot borasidagi taassurotlari o’rganiladi. Ekranda emotsiyalar ko’rsatiladi.
Psixolog: “Bugungi mashg’ulotlardan so’ng sizning kayfiyatingiz qay darajada o’zgardi. Ushbu emotsiyalar ichidan sizning hozirgi holatingizga mos suratni tanlab, o’sha yuzning tasvirini chizing, ya’ni hozirgi kayfiyatingizning tasvirini qog’ozda aks ettiring”.
Ishtirokchilar vazifani bajarib bo’lishgach, qog’ozlar doskaga yopishtiriladi.

“Mavjud bo’lmagan hayvon” proyektiv metodikasi

(6-sinf o’quvchilari bilan o’tkaziladigan metodikalarda taqdim etilgan)


3-mashg’ulot: Ijobiy tarbiya tamoyillari.
(6-sinf o’quvchilari bilan o’tkaziladigan metodikalarda taqdim etilgan)


4-mashg’ulot: “Avtoportret” proyektiv metodikasi
Mualliflar: Ye.S.Romanova, S.F.Potyomkina. Proyektiv metodikalar-dan biri. Katta maktab o’quvchilarining shaxsini diagnostika qilish uchun qo’llanishi mumkin. Avtoportret – insonning o’zi chizgan qiyofasi. Bu metodikaning ikki xil interpretatsiyasidan biri mualliflar, ikkinchisi R.Berns (AQSH) tomonidan taklif qilingan.
Interpretatsiya № 1
“Avtoportret” proyektiv metodikasi R.Berns (AQSH, Insonlararo munosabatlarni rivojlantirish instituti, Sietl) tomonidan qo’llanganda, u kishilarga o’zining yakka holdagi yoki oila a’zolari bilan birga, hamkasblarning orasida tasvirlashni iltimos qilgan. R.Berns shunday yozadi: «Siz uyga kelib o’kirib – o’kirib yig’lashingiz mumkin, ammo ishxonada bunday qilmaysiz. Bunday holatingiz siz chizgan portretda o’z aksini topadi». Uning fikricha, avtoportretdagi belgilar quyidagicha aniqlanishi mumkin:

Bosh	Katta bosh – o’z aqliy imkoniyatlaridan qoniqmaslik; Kichik bosh ijtimoiy mavqeidan norozilik, bezovtalanish.
Ko’z	Katta ko’zlar – shubxalanuvchanlik, boshqalar fikriga kup e’tibor berish. Kichik ko’zlar yoki yumuq ko’zlar – ichki yo’nalganlik.