O‘quvchilarni kasb-hunarga yo‘naltirish va psixologik -pedagogik respublika tashxis markazi

Umumiy psixologik muhit.
O‘yinlar va aksiyalarda nafaqat maktab o‘quvchilari, balki o‘qituvchilar, ota-onalar, shuningdek barcha maktab xodimlari ishtirok etishlari mumkin.
Tashkilotchilar:

• 
  psixolog;
  
• 
  sinf rahbarlari;
  
• 
  yuqori sinf o‘quvchilari
  

Ishtirokchilar toifasi: 1-11-sinf o‘quvchilari, maktab o‘qituvchilari, ota-onalar.
Uslubiy ta’minot: tadbirlarni rejalashtirish va ishlab chiqish, ishtirokchilar uchun diagnostika materiallari, ko‘rgazmali materiallar, uslubiy materiallar to‘plami, plakatlar va boshqalar.
Jihozlash:
Maktabning markaziy plakatida “Psixologiya haftaligi” yozuvi;
Haftalik rejani e’lon qilish;
Kognitiv (bilish) jarayonlar aks ettirilgan plakat;
Psixologiya fani to‘g‘risida aforizmlar;
“Maktabga qanday kayfiyatda borasiz?” plakati.
Asosiy tadbirlar
“Psixologiya haftaligi”ning ochilishi tadbiri
"Psixologiya – ajoyib fan" ssenariysi (psixolog yuqori sinf o‘quvchilarini bu tadbirga jalb etadi) bo‘yicha umumiy maktab tadbiri o‘tkaziladi. Tadbirda maktab psixologi psixologiya fani, o‘zining maktabdagi faoliyati bo‘yicha qiziqarli taqdimotini namoyish qilishi mumkin
1 –kun.
1. “Siz maktabga qanday kayfiyatda borasiz?" aksiyasi
“Psixologiya haftaligi”ni “Siz maktabga qanday kayfiyatda borasiz?” aksiyasi ochib beradi. Bu psixologik yo‘naltirilgan va keng psixologik va pedagogik imkoniyatlarga ega bo‘lgan tadbirdir. Psixologiya haftasidagi tadbirlar maktabda sog‘lom psixologik muhitni shakllantirish, ta’lim ishtirokchilarida pozitiv kayfiyatni saqlashga yordam beradi va ularning maktabdagi psixologik xizmat faoliyatidan doimiy xabardorligini ta’minlaydi.
Maqsad: maktabda psixologik qulay sharoitni yaratish. Psixologik haftalik - bu maktabga tanish bo‘lmagan yangi tajriba va haftalik doirasidagi tadbirlar va aynan mana shu aksiya natijasida yuzaga keladigan “kayfiyatlar kamalagi” boshqa ko‘plab shakllarga qaraganda samarali natija beradi.
Kunning boshida maktabga kiraverishda katta plakatda haftalik ish tartibi va rang-barang tarzda "psixologiya haftaligi" va "maktabga qanday kayfiyatda borasiz?" deb yoziladi.
Bu aksiyaning yana bir tomoni shuki, diagnostik ma’lumot olish imkonini beradi. Jiddiy prognozlarni ko‘rsatmaydi, lekin o‘quvchining ruhiy holati bo‘yicha juda ko‘p ma’lumotlarni olish mumkin. Bundan tashqari, bu shunchaki chiroyli va g‘ayrioddiy tadbir.