O‘quvchilarni kasb-hunarga yo‘naltirish va psixologik -pedagogik respublika tashxis markazi

4-kun
Ijtimoiy so‘rov «Mening kelajagim – bu…»
Yuqori sinf o‘quvchilari uchun kelajak haqidagi savollar jamlangan anketa-so‘rovnoma tayyorlanadi. 40 daqiqa ichida o‘quvchilar o‘z kelajagini tasavvur qilishlari, javoblar original va kelajakni to‘liq ifodalashi kerak, topshiriq so‘nggida ular o‘z javoblarini o‘qib beradilar va o‘z fikrlari bilan o‘rtoqlashishadi.
Maqsad: bolalarning faol hayotiy pozitsiyasini amalga oshirish uchun sharoit yaratish.
5- kun.

1. 
   «Tilaklar gulchambari» psixologik aksiya.
   

Maqsad: boshqalarga nisbatan xayrixoh munosabatni rivojlantirish.
“Tilaklar gulchambari” psixologik aksiyasida har bir o‘quvchi o‘ziga, do‘stlariga, o‘qituvchilarga, ota-onalarga va umuman hamma insonlarga tilak yozadilar. Ushbu yozuvlar gullar bilan bezatilgan har xil rangli varaqlarga yoziladi. Bolalar har bir gul yaprog‘iga o‘z xohish-istaklarini yozadilar. Natijada xayrli ishlar, tilaklar yoki istaklar bilan to‘ldirilgan gullardan iborat haqiqiy gulzor paydo bo‘ladi. Ushbu aksiya har bir bola o‘z istaklarini boshqa bolalarning istaklari bilan taqqoslashga va o‘zining tilaklari qanchalik muhimligini baholashga yordam beradi. Gulchambarlar ham stendga qo‘yiladi.

2. 
   Aksiya «sehrli xaltacha»
   

Ushbu aksiya har bir ta’lim ishtirokchilarini qo‘llab-quvvatlashga, bolalarning orzu qilishiga, kattalarga esa boladay samimiy tabassum qilishga imkon berish uchun mo’ljallangan. Bu aktsiyani psixologiya haftaligini yakunlash kunida o’tkazish mazkur tadbirdan yaxshi taassurot qoldiradi.
Maqsad:

• 
  maktabda qulay psixologik muhitni yaratish;
  
• 
  kognitiv jarayonlarni rivojlantirish.
  

Ishtirokchilar: barcha o‘quvchilar, o‘qituvchilar, ota-onalar, maktabdagi boshqa xodimlar.
Zarur materiallar: ko‘p miqdorda yaxshi tilaklar bildirilgan varaqlar solingan xaltacha.