O’quv yili uchun o’zbekistonning eng yangi tarixi fanidan m a ‘ ruzamatn I barcha yo’nalishlar uchun namangan 2020

Elektron hukumatni rivojlantirish indeksi: Birlashgan Millatlar Tashkilotining elektron hukumat reytingi jahon mamlakatlarida axborot jamiyati qanchalik taraqqiy etayotganini aks ettiruvchi asosiy ko‘rsatkichlardan biri sanaladi. BMTning elektron hukumatni rivojlantirish indeksi(E-Government Development Index)da mamlakatlarning mavqei ularning umumiy indeksi asosida belgilanadi. Bu indeks uch omildan shakllantiriladi:

davlat hokimiyati organlarining veb-hozirligi (onlayn xizmatlar);

telekommunikatsiyalar infratuzilmasi;

inson kapitali.

2016 yilning 28 iyulida e’lon qilingan BMTning yangi «E-Government Survey 2016» reytingida o‘z ko‘rsatkichlarini birmuncha yaxshilagan O‘zbekiston 20 pog‘ona yuqorilab, 80-o‘rinni egalladi. Davlat onlayn xizmatlari va inson kapitali yo‘nalishlari mamlakatimizga yaxshi reyting ochkolarini keltirdi. 2016 yili Buyuk Britaniya uzoq yillar yetakchilik qilib kelgan Koreya Respublikasi o‘rniga birinchi pog‘onaga chiqib oldi. Avstraliya va Koreya Respublikasi ikkinchi va uchinchi o‘rinlardan joy oldi. 2014 yilga nisbatan besh pog‘ona yo‘qotgan Qozog‘iston 33-o‘rinda, sakkiz pog‘ona pastlagan Rossiya 35-o‘rinda, Belarus va Ukraina 49 va 62-o‘rinlarni band etdi. Elektron hukumatni taraqqiy ettirish reytingida to‘plash mumkin bo‘lgan eng yuqori indeks — 1. Reyting yetakchisi — Buyuk Britaniyada bu ko‘rsatkich 0,9193 ga teng, O‘zbekistonda — 0,5434, reytingda eng oxirgi 193-o‘rinda turgan Somalida — 0,0270. Jahon bo‘yicha bu boradagi o‘rtacha indeks 0,4922 hisoblanadi. Bundan past natijaga ega mamlakatlarda elektron hukumat faoliyati qoniqarsiz yoki, boshqacha aytganda, yarim kuchi bilan ishlamoqda.

Transparency International xalqaro nohukumat tashkiloti hisobotida Elektron hukumatni rivojlantirish indeksi reytingi bo‘yicha so‘nggi yillarda O‘zbekiston Respublikasining ko‘rsatkichlari oshib borayotganligi, ommaviy axborot vositalariga qo‘yilgan cheklovlar yengillashtirilganligi e’tirof etilgan. Bundan tashqari, 2020 yil mart oyida e’lon qilingan 2020 yil bo‘yicha Jahon odil sudlov loyihasining Huquq ustuvorligi indeksidagi – Korruptsiyaning mavjud emasligi indeksida O‘zbekiston 128 ta davlat orasida 0,40 ball bilan 89 - o‘rinni egallab, 6 pog‘onaga ko‘tarilgan.

Shuningdek, O‘zbekiston Respublikasi Prezidentining «O‘zbekiston Respublikasining xalqaro reyting va indekslardagi o‘rnini yaxshilash hamda davlat organlari va tashkilotlarida ular bilan tizimli ishlashning yangi mexanizmini joriy qilish to‘g‘risida»gi Farmoni bilan O‘zbekiston Respublikasi uchun ustuvor bo‘lgan xalqaro reyting va indekslar bo‘yicha samaradorlikning eng muhim ko‘rsatkichlari qayd etildi. Unga ko‘ra, Korruptsiyani qabul qilish indeksi bo‘yicha O‘zbekiston ko‘rsatkichlarini joriy yilda 27 balldan 2030 yilda 65 ballga, Korruptsiyani tiyib turish indeksi bo‘yicha joriy yilda 31 balldan 2030 yilda 71,6 ballga va Korruptsiyaning mavjud emasligi indeksi bo‘yicha joriy yilda 0,39 balldan 2030 yilda 0,60 ballga yetkazish belgilandi.

Shu bois, Bosh prokuratura tomonidan korruptsiyaga qarshi kurashish bo‘yicha xalqaro reytinglardagi O‘zbekiston o‘rnini yaxshilash bo‘yicha ishlar davom etmoqda. Xususan,Sloveniya, Qozog‘iston, Latviya, Rossiya Transparency International tashkiloti vakillari, mahalliy nodavlat notijorat tashkilotlari ekspertlari ishtirokida «Korruptsiya qarshi kurashish borasida davlat organlari va nodavlat tashkilotlarining hamkorlik masalalari» mavzusida xalqaro veb-konferentsiya o‘tkazildi.

O‘zbekiston bilan Transparency International tashkiloti vakillari bilan korruptsiyaga qarshi kurashish sohasida o‘zaro hamkorlikni davom ettirilmoqda. So‘nggi yillarda Shavkat Mirziyoevning rahbarligida mamlakatimizda korruptsiyaga qarshi samarali kurashni tashkil etish, bu illatga batamom chek qo‘yish borasida keng ko‘lamli islohotlar olib borilmoqda.