O’quv-uslubiy majmuasi bilim soxasi

hududni rejalashtirish tarxi-hududning zonalashtirilishini, aholini joylashtirish tizimlari takomillashtirilishining, tegishli hududning aholi punktlarini, sanoati, qishloq xo’jaligini, mintaqalararo, mintaqaviy hamda aholi punktlariaro ahamiyatiga molik muhandislik, transportga oid va ijtimoiy infratuzilmalarni rivojlantirishning asosiy yo’nalishlarini belgilaydigan shaharsozlik hujjatlari;
hududni rivojlantirishning tarmoq tarhi-tegishli hududda muhandislik, transportga oid va ijtimoiy infratuzilmalarni, iqtisodiyot tarmoqlarini rivojlantirishning asosiy yo’nalishlarini belgilaydigan shaharsozlik hujjatlari.


2-MARUZA SHAHARSOZLIK NORMALARI VA QOIDALARI.

Shaharsozlik normalari va qoidalari shaharsozlikning asosi bo’lib, ular shaharsozlik faoliyatini amalga oshiruvchi davlat organlari, fuqarolarning o’zini o’zi boshqarish organlari, yuridik va jismoniy shaxslar ijro etishi uchun majburiydir.

Shaharsozlik normalari va qoidalari shaharsozlik sohasidagi maxsus vakolatli davlat organi tomonidan ishlab chiqiladi va tasdiqlanadi.
Shaharsozlik normalari va qoidalarini ishlab chiqish, tasdiqlash va ro’yhatga olish tartibi qonun hujjatlari bilan belgilanadi.
Shaharsozlik normalari va qoidalari shaharsozlik faoliyatini amalga oshirishda manfaatlariga daxl etilishi mumkin bo’lgan ko’chmas mulk obyektlarining mulkdorlari, egalari va mazkur obyektlardan foydalanuvchilar huquqlari, shuningdek yuridik va jismoniy shahslar huquqlari masalalari yuzasidan davlat organlari qarorlar chiqarishi uchun asos bo’ladi.


3-MARUZA JAMIYAT, DAVLAT, YURIDIK VA JISMONIY SHAXSLARNING SHAHARSOZLIK SOXASIDAGI MANFAATLARI.

Shaharsozlik vositalari orqali shahar va qishloq aholi punktlari aholisining qulay yashash sharoitlarini ta’minlash, xo’jalik va boshqa faoliyatning atrof muhitga yetkazadigan zararli ta’siriga yo’l qo’ymaslik, ekologik xolatni yaxshilash, aholi punktlarini va ularga tutash hududlarning muhandislik, transportga oid va ijtimoiy infratuzilmalarini rivojlantirish, madaniy meros obyektlarini saqlash jamiyatning shaharsozlik sohasidagi manfaatlaridir.

Aholi punktlarini va aholi punktlariaro hududlarini barqaror rivojlantirish uchun sharoitlarini ta’minlash, muhandislik, transportga oid va ijtimoiy infratuzilmalarining davlat tizimlari ish olib borishi, tabiiy resurslarini saqlash, madaniy meros obyektlarini muhofaza qilish davlatning shaharsozlik sohasidagi manfaatlaridir.
Shaharsozlik sohasida jamiyat va davlat manfaatlarini uyg’unlashtirish davlat organlari, fuqarolarining o’zini o’zi boshqarish organlai va jamoa birlashmalari tomonidan ta’minlanadi.
Yuridik va jismoniy shahslarning shaharsozlik sohasidagi manfaatlariga ularning shaharsozlik faoliyatini amalga oshirish Bilan bog’liq bo’lgan manfaatlari taalluqlidir.
Yuridik va jismoniy shahslarning shaharsozlik faoliyati, basharti bunday faoliyat chegaradosh yer uchastkalari va boshqa ko’chmas mulk obyektlarining mulkdorlari, egalari hamda mazkur uchastka va obyektlardan foydalanuvchilar huquqlari va qonuniy manfaatlari amalga oshirilishiga monelik qiladigan bo’lsa, cheklanishi kerak.
Jamiyat, davlat, yuridik va jismoniy shaxslarning shaharsozlik sohasidagi manfaatlari shaharsozlik normalari va qoidalari, boshqa qonun hujjatlari, shaharsozlik hujjatlari talablari bajarilishi, shuningdek bu talablarga rioya etilishini nazorat qilish orqali ta’minlanadi.
Agar shaharsozlik faoliyati jamiyat, davlat, yuridik va jismoniy shaxslarning manfaatlariga zid bo’lsa, bunday faoliyat tugatilishi kerak.