O’quv-uslubiy majmuaning tarkibi

Ionlovchi nurlanishning organizmga ta’siri.

Yadro portlagan zonada va radiaktiv chiqindilar bilan zararlangan territoriyalarda odam nurdan ommaviy zararlanadi. Tinch sharoitda texnika xavfsizligiga rioya qilmaslik oqibatida rentgenologlar, atom sanoati, atom elektr stantsiyasi, atom reaktorlari xodimlari radiaktiv moddalar bilan ish olib boruvchilar nurlanish kasalligiga uchrashi mumkin. Nurlanish ta’sirida organizmda quyidagi o’zgarishlar yuz beradi:

1. 
   Qon va qon elementlarining hosil bo’lishi buziladi.
   
2. 
   Trombotsitlar miqdori kamayishi natijasida qon ivishi buziladi, qon tomirlarining o’tkazuvchanligi va mo’rtligi ortadi.
   
3. 
   Lablarda, tilda, milkda, murtaklarda, oshqozon va ichaklarning shilliq pardalarida, terida yaralar paydo bo’ladi.
   
4. 
   Organizmni mikroblardan himoya qiluvchi limfotsitlar va leykotsitlar kamayishi hamda immunitetning buzilishi natijasida organizmning infektsiyaga qarshiligi keskin pasayadi.
   
5. 
   To’qima va hujayralarning qayta tiklanish jarayoni buziladi. Natijada yaralar, kuygan joylar, singan suyaklar sekin tuzaladi.