O‘quv qo‘llanma

12.3.Temir yo‘l transportining istiqbol rejalari

Temir yo‘l transportining strategik rejasida “O‘TY” AJning asosiy maqsadi tashishga bo’lgan bozor talabini qondirish, faoliyat samaradorligini oshirish, xizmatlar sifatini yaxshilash va YevroOsiy transport tizimiga integratsiyalanish” deyilgan.

Ushbu maqsadga erishish uchun o‘z oldiga quyidagi istiqbolli rejalarni qo‘ygan:

• 
  mamlakatning transport yaxlitligi, mustaqilligi, xavfsizligini taminlash, ijtimoiy-iqtisodiy o‘sishini va tashishga bo‘lgan ehtiyojlarni amalga oshirish uchun shart-sharoitlarni taminlash maqsadida infratuzilmaviy baza sifatida ochiq va barqaror transport tizimini shakllantirish;
  
• 
  temir yo‘l infratuzilmasini rekonstruksiya qilish, takomillashtirish va rivojlantirish;
  
• 
  respublika sanoatini harakat tarkibiga bo‘lgan ehtiyojini taminlash uchun harakat tarkibini tamirlash va qurish uchun ishlab chiqarish quvvatlarini oshirish;
  
• 
  temir yo‘lning o‘tkazuv va tashuv qobiliyatini oshirish bo‘yicha chora-tadbirlarni ishlab chiqish, shuningdek, yo‘lovchi temir yo‘l transportinining harakat tezligi va xizmat ko‘rsatish darajasini oshirish;
  
• 
  temir yo‘llarda poezdlar harakati xavfsizligini oshirish bo‘yicha chora-tadbirlar dasturini ishlab chiqish;
  
• 
  tashuvni tashkil etishning zamonaviy mexanizmlarini joriy qilish.
  
• 
  Infratuzilmani yaxshilash hisobiga harakat tezligini oshirish, zamonaviy transport vositalarini yaratish va texnologiyalarni takomillashtirish.
  
• 
  Logistik tamoyillar asosida tashish jarayoniga biznes-texnologiyalarini tadbiq qilish.
  
• 
  Xalqaro tashishlarni va transport koridorlarini rivojlantirish.
  
• 
  Xalqaro tashishlarda tarif siyosatini takomillashtirish bo’yicha takliflar ishlab chiqish.
  
• 
  Xalqaro tashishlarni sifat standartini ta’minlash.
  
• 
  Xalqaro tashishlar bozori marketingini amalga oshirish.