O‘quv qo‘llanma 5111800 Maktabgacha ta’lim bakalavriat ta’lim yo‘nalishi talabalari uchun Toshkent 2019 Annotatsiya

Dikir-dikir o‘yinchoqlar. Dikir-dikir o‘yinchoqlarni yasash uchun kichik kartonga odam va xayvonlar tasvirini chizish kerak, ularning oyoqlari esa chizilmaydi. Chizilgan tasvirni qirqib olamiz. Shakllarni kaftimizning orqa tomoniga rezina bilan mustahkamlab, ko‘rsatgich yoki o‘rta barmoqqa atir shisha qopqog‘ini kiyib,rezina bilan mustahkamlab, stolda shakllarni yurgazamiz. Ularni choptirish, o‘yinga tushirish mumkin. Katta, tayyorlov guruh bolalari bunday o‘yinchoqlarni mustaqil yasay olishadi.
Qo‘lqop qo‘g‘irchoqlar(barmoqsiz qo‘lqop). Eski qo‘lqopcha, qo‘lqop qo‘g‘irchoqlarni yasash uchun ashyo bo‘la oladi. Bunday o‘yinchoqlarni ham bolalarning o‘zlari yasashlari mumkin. Qo‘lqop qo‘g‘irchoqning bosh qismi, katta barmoq esa, burun bo‘lib xizmat qiladi. Qo‘lqopni to‘liq xayvonga aylantirib olish ham mumkin, bunda katta barmoq dum vazifasini o‘taydi. Qo‘lqop qo‘g‘irchoq tanasi bo‘lishi, unga bosh va boshqa detallarni biriktirish ham mumkin. Qo‘lqop topilmasa‚ unda to‘qilgan eski buyum yoki matodan foydalanamiz. Bunda bichishda barmoq o‘rnini bichish shart emas, turli detallar unga tikib qo‘yiladi.
Qo‘lqop qo‘g‘irchoqlar(barmoqli qo‘lqop). Qahramonlarni eski qo‘lqoplardan tayyorlasa bo‘ladi. Agar eski qo‘lqop topilmasa, uni tikish mumkin. Bolalarga tavciya etiladigan qo‘lqopning andozasi (besh barmoqlimas, to‘rt barmoqli) bo‘lishi mumkin. Detallarni bolalar bichib, halqa choki bilan tikadilar. Bosh qismini chizib yoki tikib, belgilangan joyga birlashtirib qo‘yish mumkin. Qo‘g‘irchoqning asl nusxasini eski qo‘lqopdan tiksa bo‘ladi. Ortiqcha detalini punktir chizig‘i bilan belgilab, olib tashlanadi va xohlagan ertak qaxramonlariga ega bo‘lish mumkin. Qo‘lqopga paypoqdan ozgina ulab qo‘yilsa, qo‘lga kiyib, tugmachadan ko‘zlarini qilib qo‘yilsa, qo‘l barmoq harakati bilan gapirayotgan xarakat holatini ko‘rsatish mumkin. Bolalar bunday qahramonlarni o‘zlari yasay oladilar‚ ayniqsa ikki eski qo‘lqopdan yasalgan o‘yinchoq: kuchukcha, mushukcha, quyoncha, bo‘ri, tulkichalarni tayyorlash qiyin emas. Qo‘lqopning ko‘rsatgich va katta barmog‘i dum bo‘ladi, uning ortiqcha qismlari tikib tashlanadi. Qahramonlarning ayrim detallarini jixozlashda tugmachalar, dur donachalarini ishlatish mumkin. Bunday o‘yinchoqlardan bolalar sahnalashtirish faoliyatida foydalanadilar.