O’quv materiallari

18-mavzu:Xalq badiiy madaniyati va ijodiyoti

Reja:

1.Amaliy va tasviriy san’at

2. Musiqa, teatr va raqs san’ati.

3 O’zbek kino san’atining vujudga kelishi va rivojlanishi.

4.Sirk san’ati.

Tayanch sо‘z va iboralar

San’at turlari, musiqa san’ati, amaliy san’at, raqs, teatr, tasviriy ijod, sirk doston, katta ashula, murakkab shaklli ashula, cholg‘u kuylar, maqomlar, badiiy sanoat.

Mustaqillik yillarida madaniyat va san’at sohasiga davlatimiz tomonidan juda katta e’tibor berib kelinmoqda. Ijtimoiy madaniy faoliyatni amalga oshirishda badiiy madaniyat va san’at muhim axamiyat kasb etadi. San’at va uning turlari: musiqa, raqs, teatr, tasviriy ijod, sirk kabilar halqning qalbini qamrab, ruhini tetiklashtiradigan sehrli kuchdir. О‘zbek san’ati nihoyatda boy va rang-barangdir. О‘zbek halqi san’ati eng qadimgi davrlardan boshlab jahon madaniyatiga о‘z hissasini qо‘shib kelmoqda.

Xususan, teatr va musiqa san’ati rivojlanib bormoqda. Prezidentimizning 1995 yil 20 oktabrdagi “О‘zbekistonda teatr va musiqa san’atini yanada rivojlantirish chora-tadbirlari tо‘g‘risida”gi Farmoni, 1998 yil 26 martda “О‘zbek teatr san’atini rivojlantirish tо‘g‘risida”gi Farmoni, 1998 yil 22 mayda “О‘zbek teatr ijodiy ishlab chiqarish birlashmasi faoliyatini tashkil etish tо‘g‘risida”gi Farmoni, 2001 yil 21 sentabrda “Xamza nomidagi О‘zbek davlat akademik drama teatriga “Milliy teatr” maqomini berish tо‘g‘risida”gi Farmoni, shuningdek, 2010 yilda Buxoro shahrida qad kо‘targan “Boqiy va navqiron Buxoro” monumenti hamda Buxoro davlat teatri yangi binosining ishga tushirilishi mamlakatimizda ma’naviy taraqqiyotga davlat miqyosida e’tibor qaratilayotganligining yorqin isboti va olib borilayotgan islohotlarning ijobiy natijasidir.