O’quv darslik

XENOFALK
(Chenofalk) – tarkibida 250 mg. xen kislotasi (3-
α
,7- 
α 
degidroksi-5
-β
–xol kislotasi) bor. 
Asosan rentgen negativ (rentgentda ko‘rinmaydigan) tosh bo‘lgan safro 
tosh xastaligini davolashda qo‘llaniladi. Bunda o‘t pufagining funksiyasi yaxshi 
saqlangan bo‘lishi kerak. Semiz bemorlarda safro toshlarini eritish mushkulroq. 

---

- 500 -
Preparatni davomli (3 oydan 2-3 yilgacha) va muntazam ichiladi. Toshlar erib 
bo‘lgandan keyin yana 2-3 oy preparatni qabul qilish kerak.
Noxush ta’siri:
diareya, qonda AlAT, AsAT fermentlari faolligini ortishi. 
Safro yo‘llarining yallig‘lanishi, umumiy safro yo‘lining qisman yoki 
butunlay berkilib qolgan holatlari, gepatitlar, enterit, enterokolit, gastritlar, 
buyrak etishmovchiligining yuqori darajasi, homiladorlikda qo‘llash mumkin 
emas. 
XENOXOL 
(Chenocholum) – tarkibida qoramol safrosidan ajratilgan 
xenodezoksixol kislotasi bor. Preparat ta’sirida safro tarkibida safro kislotalari 
va litsitin miqdori ortadi. Jumladan, xenodezoksixol kislotasi ko‘payadi, 
dezoksixol kamayadi, xol kislotasi deyarli yo‘qoladi. Umuman olganda, safro 
tarkibida litsitinga nisbatan safro kislotalari miqdori ko‘proq ortadi. Xenoxol 
ichakdan to‘la surilib, jigarda glitsin va taurin aminokislotalari bilan 
konyugatsiyalanadi va shu holda yoki Na yoki K tuzi sifatida ichakga safro 
yo‘llari orqali tushadi. Ozgina qismi najas tarkibida ajraladi, ko‘p qismi qayta 
surilib jigarga tushadi. Preparatning ba’zi qismi ichakdagi bakteriyalar ta’sirida 
degidroksillanib litoxol kislotasiga aylanadi va qonga suriladi (enterogepatik 
aylanish – sirkulyasiya). Kuniga 15-18 mg/kg dozani uchta qismga bo‘lib 
ichiladi (kechasi ko‘proq) davolash 6 oydan 1-2 yilgacha bo‘ladi. Ko‘rsatmalar, 
qarshi ko‘rsatmalar xuddi xenofalknikiga o‘xshash.