O’quv amaliyot mashg’ulotining o’qitish texnologiyasi Mavzu: Sanoat korxonasining sanitariya pasporti bilan tanishish

Quyidagilar rasmiylashtiriladi:

• 
  yer maydonini ajratish xususida xulosa – 301/u sh.;
  
• 
  yer maydonini ajratish xususida xulosani qayd etish jurnali – 302/u sh.
  

Qurilishning bu bosqichida maxsus komoissiya faoliyat ko‘rsatadi. Uning tarkibiga hokimiyat, buyurtmachi, loyihalash tashkiloti, tabiatni muhofazalash qo‘mitasi, elektr, suv ta’minoti muassasalari va boshqa tashkilotlar qatorida DSENM vakillari ham ishtirok etadi (mehnat gigienasi va kommunal gigienasi mutaxasishlari).
DSENM vakillari gigienik nuqtai nazardan ob’ektni ajratilgan er maydoniga joylashtirilishi mumkinligiga xulosa beradi. Bu masalani hal etish uchun mehnat gigienasi vrachi uchun quyidagi ma’lumotlar kerak:

• 
  er maydonida avval qanday ob’ektlar joylashgan, er nima maqsadlarda foydalanilgan (hokimiyat bo‘limlardan olinadi);
  
• 
  yer osti suvlarining joylashish balandligi (gidrogeologik xizmat ma’lumotlari);
  
• 
  ajratilgan erdagi shamol guli (gidrogeologik xizmat ma’lumoti);
  
• 
  yer relefi (geodeziya xizmati ma’lumoti);
  
• 
  mavjud ochiq suv xavzalari joylashishi;
  
• 
  atrofdagi turar joy mavzelari, ishlab chiqarish ob’ektlari xaqida boshqa ob’ektlarni joylashishi.
  

Bu ma’lumotlar asosida quyidagilar aniqlanadi:
Sanitariya himoya mintaqasini San Q va M №0006-93 talabiga binoan amalga oshirish mumkinligi, ob’ektni shamol guli bo‘yicha to‘g‘ri joylashtirilishi, ochiq va er osti suv havzalarini ifloslanish xavfi, tabiiy yog‘inlar suvlarni chiqarib tashlanish sharoiti, ichish va texnologik jarayon uchun kerakli suv manbalari va ulardan olinadigan suvning sanitariya–gigienik tavsifi.
YUqoridagi ma’lumotlar asosida tahlillar natijasida maxsus xulosa yoziladi (SSV № 283 buyrug‘ida ko‘rsatilgan 301 X shakl ilova. 2). Xulosa natijalari maxsus qayd qilinadigan 302-X shakldagi daftarga kiritiladi (ilova 3).
Ikkinchi bosqich: qurilish loyihalari sanitariya ekspertizasi.
Mehnat gigienasi vrachi qurilish loyihalarini hozirgi kunda amaldagi sanitariya – gigiena qoidalari va normativlari talablariga javob berishini aniqlaydi.
Sanitariya – gigiena xizmatiga quyidagi loyihalar ekspertizaga taqdim etiladi:

• 
  o‘zgartirishlar kiritilgan namunaviy loyihalar;
  
• 
  loyihalash jarayonida amaldagi sanitariya – gigiena qoidalari va normativlariga to‘la rioya qilish iloji bo‘lmagan loyihalar.
  

Gigienik talablar to‘la amalga olinib tuzilgan loyihalar sanitariya ekspertizasiga taqdim etilmasligi mumkin. Bu holda to‘la javobgarlik loyiha rahbari zimmasiga yuklatiladi.
Loyihalarni sanitariya ekspertizasiga asosan loyiha tashkiloti taqdim etadi. Zaruriyat vujudga kelganda loyihani ekspertizasiga buyurtmachi ham taqdim etadi. Agar zaruriyat vujudga kelsa sanitariya xizmati har qanday qurilish ob’ekti loyihasini ekspertizasini o‘tkazish huquqiga ega.