O’quv amaliyot mashg’ulotining o’qitish texnologiyasi Mavzu: Sanoat korxonasining sanitariya pasporti bilan tanishish

Uchinchi bosqich: ishlab chiqarishga taaluqli ob’ektlar qurilishi, qayta qurilishi va kengaytirilishi bosqichidagi ogohlantiruvchi sanitariya nazorati.
Mehnat gigienasi vrachi tomonidan ishlab chiqarish ob’ektlari qurilishini nazorat qilish barcha sanitariya – gigiena norma va qoidalari bo‘yicha loyihaga muvofiqligini tekshirish maqsadida amalga oshiriladi.
Qurilish, ta’mirlanish va texnik jihozlanish bosqichida hal etiladigan masalalar:

• 
  qurilish ishlarining loyiha asosida borayotganligi;
  
• 
  kelishilgan muddatlarga rioya qilish va kompleksli qurilish ishlarini ta’minlash;
  
• 
  quruvchilarning mehnat sharoitlari (mehnatni muhofaza qilish, mexanizatsiya, maishiy sanitary xizmat).
  

Quyidagilar rasmiylashtiriladi:

• 
  san-gigienik tekshirishlar qaydnomasi – 315/u sh.;
  
• 
  ogohlantiruvchi sanitariya nazorati kartasi – 305/u sh.
  

SHu munosabat bilan barcha qurilayotgan ob’ektlarning quruvchi tashkilotlari qurilish mablag‘ ajratilishidan bir oy ilgari tegishli san. DSENMga bo‘lajak ob’ekt qurilishi xaqida xabar berishlari kerak va davlat sanitariya nazorat organlari talabiga ko‘ra qurilish ustidan nazorat olib borish uchun vaqtinchalik foydalanishga tasdiqlangan loyihaning zarur bo‘lgan bo‘limlarini taqdim qilishlari lozim.
Har bir qurilayotgan, kengaytirilayotgan ob’ekt uchun ogohlantiruvchi sanitariya nazorati kartasi (305 – X ilova 6) to‘ldiriladi.
Qurilayotgan ob’ektlar ustidan ogohlantiruvchi davlat sanitariya nazorati o‘tkazishda sanitar-texnik qurilma va inshootlarining (yoritish, ventilyasiya, germetiklash, maishiy xonalar va boshqalarni) qurib bitkazishga kelishilgan muddatlarga rioya qilinishiga alohida e’tibor berish kerak. Sanitariya tekshiruvlari natijalari qaydnoma ko‘rinishida tuziladi.
Undan tashqari quruvchilar mehnat sharoitini yaxshilash va atrof-muhitni himoya qilish chora-tadbirlarini bayon etuvchi (joriy sanitariya nazorati bo‘yicha) qaydnoma tuziladi.
SHahar (tuman, viloyat) davlat sanitariya vrachi belgilangan tartib-qoidaga asosan tasdiqlangan loyiha bo‘yicha binolar va inshootlar qurilishida sanitariya-gigiena norma va qoidalarning buzilish hollarida ayrim turdagi qurilish ishlari to‘xtatib qo‘yish xuquqiga ega. Bunday hollarda 306-X shakldagi qaror tuziladi.
Qurilish ustidan sanitariya nazorati odatda har yili choragida bir marta, foydalanishga topshirish davri oldida esa har oyda bir marta o‘tkaziladi.