O’qish 4- sinf 1-dars Mavzu: Istiqlolim- istiqbolim. Mangulikka tatigulik kun

V.Uyga vazifa: Matnni o’qib, so’zlash
VI.Dars yakuni. O’quvchilar bilimini baholash va rag’batlantirish.


84-dars
Qodir bilan Sobir
O'quv materiali. Qodir bilan Sobir. H. Nazir.
Darsning maqsadi. 1. O'quvchilarni Hakim Nazirning «Qodir bilan Sobir» hikoyasi bilan tanishtirish.
2. O'quvchilarni do'st, ahil-totuv bo'lishga undash, do'stlik-o'rtoqlik, ahillik, totuvlikning inson hayotidagi ahamiyatini yoritish. Zo'ravonlik, maqtanchoqlik kabi salbiy sifatlarning o'zaro o'rtoqlik va do'stlikka rahna solishini o'quvchilarga yetkazish.
3. O'quvchilarni matnni qismlarga bo'lish, ularga sarlavha qo'yish, lug'at ustida ishlash ko'nikmalarini o'stirish.
4.Lug'atini boyitish, bog'lanishli nutqini o'stirish. Dars turi. Yangi bilim beruvchi, hikoya o'qish darsi.
Dars metodi. Suhbat, bahs-munozara.
Dars jihozi. Hikoya mazmuniga ishlangan mazmunli rasm, Hakim Nazir portreti.
Darsning borishi.
I. O'tilgan «Sharq hikoyasi» asari yuzasidan o'quvchilar bilimini suhbat yo'li bilan aniqlash.
1. Nima uchun ota-o'g'il bir eshakda yo'lga tushdi?
Ota eshakka nima uchun birinchi mindi?
Ota-o'g'ilning birga piyoda ketishiga qanday malomatlar sabab bo'ldi?
Ota o'g'lini koyib nima dedi?
Ota-o'g'il yo'lidagi voqealarning oqibati haqida yozuvchi nima dedi? Atrofdagi odam-larning gap-so'zlariga munosabatingizni bildiring.
2.Tanlab o'qish. Ota-o'g'ilning og'ir hayoti tasvirlangan o'rinni ifodali o'qing. Ota-o'g'il suhbatini topib o'qing. Yo'ldagi odamlarn-ing gaplarini topib o'qing. («Ahmoq ekan» deb boshlanadi»)
Ularning o'zlari nimani xohlashayotganini bilisharmidi?
Hikoya qanday yakun topdi? Shu o'rinlarni topib o'qing.
3.Hikoya asosida shoir nima demoqchi? O'zgalarning malomatlariga quloq solgan odamlar to'g'ri qiladimi? O'zgalarning gaplariga qarab bilib-bilmay qilgan ishlaringiz bo'lganmi?
II. Yangi mavzu ustida ishlash.
1. Asarni o'qishga o'quvchilarini tayyorlash. Suhbat uchun savollar: — Hakim Nazir kim? U haqda nimalarni bilasiz? Hakim Nazirning qaysi asarini o'qigansiz?

O'qituvchining hikoyasi: Hakim Nazir Toshkentda tug'ilgan. U bolalarga bag'ishlab ko'p hikoyalar yozgan. 3-sinfda siz «Dadam qurgan dengiz» hikoyasini o'qigansiz. Uning «Qishloqdagi jiyanlarim», «Yonar daryo», «Kenjatoy» nomli kitoblarini o'qishingiz mumkin. Ular kutubxonamizda bor.