O’qish 4- sinf 1-dars Mavzu: Istiqlolim- istiqbolim. Mangulikka tatigulik kun

157-dars
Mavzu: Non qaerdan keladi?

Darsning maqsadlari:

Ta'limiy maqsad: “Non haqida” she’rini ifodali o’qish, “Non – inson hamrohi” mavzusini o’qib o’rganish.
Tarbiyaviy maqsad: nonni e’zozlash, u insonning rizq- ro’zi ekanligini tushuntirish.
Rivojlantiruvchi maqsad: she’rni ifodali o’qish malakasini rivojlantirish.
Darsning jihozi: mavzuga mos rasmlar.
Darsning uslubi: suhbat, ifodali o’qish.
Darsning borishi:
I. Tashkiliy qism:
Salomlashish;
Davomatni aniqlash;
Darsga tayyorgarlik ko’rish;
Darsning maqsadini aytish.
II. O’tgan mavzuni so’rash va mustahkamlash.
Ertakni so’rayman. Rollarga bo’lib o’qittiraman.
So’ngra savol- javob o’tkazaman:
1. Suhbatdan Majnuntol va Tol haqida nimalarni bilib oldingiz?
2. Ikkala o'rtoq nimadan mamnun edi?
III. Yangi mavzu bayoni.

NON HAQIDA

Tolib Yo'ldosh
Non haqida o'ylasam,
O'yim tamom bo'lmaydi.
Siz ham o'ylang, bolalar,
Lekin yomon bo'lmaydi.
Non-da har kun, har yerda
Insonga do'st, qadrdon!
Non qadrini anglaymiz
Hammamiz ham, qadrdon.
Shu non ekan, ko'rganman,
Non — bu hayot, avvalam.
Bilib aytgan bobolar:
«Aziz tuting», deb bolam!
Oqmi, qora, non bo'lsin,
Mayli, eski, qotgani.
Vaqti kelsa topilmas,
Uning yerda yotgani.
Keksa-yu yosh shu non deb,
Ter to'kishar, o'ylasak.
Kim nima der, biz uni
E'zozlamay, o'ynasak?!
Uning har ushog'i ham
Non, hech to'kib-sochmaylik.
Non — tiriklik, non — hayot,
Tuganmas baxt va boylik!
NON - INSON HAMROHI
Kechasi ketayotgan odamga qarab, uy egasi: «Bevaqt ketayapsiz. Mana bu nonni oling, hamroh bo'ladi», — deydi. Xalq bu bilan nonni kishiga do'st sifatida ifoda etadi. Nonning insonga do'stligi haqida xalq ajoyib af-sona yaratgan.
Kunlardan birida bir dehqon dalada ko'p ishlab charchabdi. Ketmonning dastasini yerga tiqibdi. Ketmonning o'zini soyabon qilib, ko'kragiga nonni qo'yib uxlab qolibdi.
Ittifoqo, osmondan zaharli uchar ilon tushib, ket-monni teshib, dehqonga zahar solmoqchi bo'libdi. Shu payt ko'kragidagi nonni ko'rib, zahar sololmay, kul-cha bo'lib qolibdi. Non dehqonni ilonning zahridan qutqaribdi.

IV. Mustahkamlash.

1.Shoir she'rda bolalarga nima deb murojaat qilyapti?
2.Bobolar non haqida nima deganlar?
3. Siz nonga qanday munosabatda bo'lasiz?
O’QITUVCHI:
Mana qarang bolalar qancha mеhnat sarflanar ekan. Siz yaxshi niyat bilan juda ko’p mеhnat natijasida tayyorlangan nonlarning isrof bo’lib partalar ostida, hatto ko’cha- larda еrga tushib, uvol bo’lib yotishiga qanday qaraysiz?
(Bolalar o’z fikrlarini aytadilar).
Qadoq qo’lli dеhqonlar
Tеrlar to’kib ekishgan
SHu sababdan har boshoq
Oltin bo’lib еtishgan.

Uzoq safarga yoki Armiya safida xizmat qilish uchun jo’nayotgan kishilarga, akalarimizga non tishlatib qolinadi. Bu kеlib rizqingni o’zing еgin, dеgan ma'noni bildiradi. Tishlangan non go’yoki umid-tayanchi. Bizning xalqimiz nonni shunday ulug’laydi.

V. Uyga vazifa: She’rni yodlash. Matnni o’qib soz’lashga tayyorlanish.