Оқова сувлар ва уларнинг турлари. Оқова сувларни тозалаш усуллари. Саноатда ҳосил бўладиган оқова сувларни тозалашда механик, физик-кимёвий

7-маъруза
Оқова сувлар ва уларнинг турлари. Оқова сувларни
тозалаш усуллари. Саноатда ҳосил бўладиган оқова
сувларни тозалашда механик, физик-кимёвий,
кимёвий ва биологик усуллар.
Режа
1. Оқова сувлар ва уларнинг турлари.
2. Саноатда ҳосил бўладиган оқова сувларни тозалашда механик, физик-кимёвий, кимёвий ва биологик усуллар.
3. Оқова сувларни тозалаш тизимлари ва иншоотлари.


Таянч сўз ва иборалар: оқова сувлар, аэроб, анаэроб, КБЭ (кислородга биологик эҳтиёж), адсoрбция, чўктириш, фильтрлаш, регенерациялаш, коагуляция, флотация, кристализация, биокимёвий тозалаш, аэротенк, окситенк, биофильтр, мaркaздaн қoчмa куч, суспензия, эмульсия, ёпиқ айланма тизим, сувнинг шўрланиши, сув таъминоти, чуқур тозалаш.
Оқова сувлар - бу кундалик ҳаётда ва ишлаб чиқариш корхона-ларида фойдаланиш оқибатида ифлосланган сувлардир.

1. 
   Оқова сувларни қайта ишлаш (тозалаш)нинг асосий усуллари. Ёпиқ сув айланма тизимларни яратишда, оқова сувни тозалаш муҳим ҳисобланади, аммо бу асосий ҳал этадиган фактор эмас. Асосийси - турли технологик операциялар учун сувнинг сифатига бўлган талабга қараб сувни тозаламасдан ёки қисман тозалаб бир неча марта ишлатишдир. Локал тозалашда доимо оқова сувни ифлослайдиган фойдали маҳсулотларни ажратиш ва қайта ишлашга эътибор берилади.
   

Усулларнинг синфланиши. Саноат ва қишлоқ хўжалик оқова сувларини қайта ишлаш (тозалаш, регенерациялаш)нинг мавжуд барча усулларини учта катта гурухга бўлиш мумкин:
1) физик ёки механик усуллар, масалан, чўктириш ёки фильтр-лаш, яъни аралашмаларни хусусиятини ўзгартирмасдан тозалашга асосланган усуллар;
2) аралашмаларни бошқа кўринишга ёки холатга айлантиришга асосланган усуллар. Ушбу катта гурухга қуйидаги усуллар, яъни коагуляция, флотация, кристализация, оксидланиш ёки қайтариш, ҳамда мембрана жараёнлари, ион алмашиш, экстракция ва бошқалар.
3) биокимёвий усуллар (аэроб ва анаэроб усуллари).
Кўпчилик холларда ушбу усулларни комплекси ишлатилади. Кенг қўлланиладиган биокимёвий тозалаш усули органик моддалар-дан 90%ли, ноорганик моддалардан 20-40%ли тозалаш даражасини таъминлайди, лекин оқовалардаги тузларнинг умумий миқдори деярли пасаймайди. Оқова сувларни тузсизлантириш айниқса катта қийинчилик туғдиради. Ичимлик сувига бўлган ГОСТ 2874-73 талабига мувофиқ ундаги тузлар миқдори 1000 мг/л дан ошмаслиги керак, хлоридларни миқдори 350 мг/л атрофида регламентланади, сульфатларники эса 500 мг/л атрофида бўлиши керак.