Onajonimga izhorim

ONAJONIMGA IZHORIM
Ulg’ayib qolipman onajon qarang,
Hayot maktabida tehsil olyapman.
Meni deb oqargan sochingiz sanang,
Uxlasam tushimda sizni ko’ryapman.

Ko’zdagi yoshimni artib sehr-la ,

Mehrini allaga qo’shib kuylagan.
Ne qilsam qarzimni o’zaman,Ona!
Bemor chog’larida meni uylagan.

Bog’imizda iforin taratgan rayxon,

Onamning qo’lidan suvni simirgan.
Dimog’im silagan usha issiq non,
Ularning qo’lidan suvni simirgan.

Siz borsiz uyimiz fayzi bo’lakcha

Mehringizdan goyo chiroqlar yoniq.
Taftingiz toshqini jo’shqin buloqcha,
Porloq quyoshim yashnaydi borliq!

OYNI UYALTIRGAN OYJAMOL QIZLAR

Hayo-yu iboda tengi yo’q sizlar,

Qora qosh-u ajoyib sunbul sochlar.
Sarishtali ishlarin sahardan boshlar,
Oyni uyaltirgan oyjamol qizlar.

So’zlagan so’zida limmo-lim ma’no,

Har sohada ilgo’r,shubhasiz,a’lo.
Qarasangiz shaydo aylaydi ko’zlar,
Oyni uyalltirgan oyjamol qizlar.
Salom berishni-ku qilmaysiz kanda,
O’zbekoyim odobi namoyon shunda.
Donosiz,chaqqonsiz,mehribon,dilbar
Oyni uyaltirgan oyjamol qizlar.

Chiroyingizi tengsiz gulgun yanoqsiz,

Shoirlar to’qigan she’rsiz,g’azalsiz.
Bosgan izingizdan ungan lolalar,
Oyni uyaltirgan oyjamol qizlar.

O’sma surganingiz qoshmi yo zuluk,

Naqadar suluvsiz,naqadar suyuk,
Nomingiz qoshilsa muhabbat buyuk.
Oyni uyaltirgan oyjamol qizlar!


YAKKATUTIM
Ajib tog’lar pinjida so’qilgan qishloq,
Ko’rkiga qo’shib ko’rk go’zal yurtimni,
Tutzorim tutidan shirin totliroq,
Bolga hech alishmam Yakkatutimni.

Qor yerdan ketmagan ko’klam mahali,

Yalpizlar unadi ariq bo’yida,
Bobomlar, momomlar bari birlashib,
Omonliq qilishar kichik so’rida.

Erta bahor tug’ilgan qo’y marashi,

Berilgan har ne’mat hilqatga to’la,
Pushti gul daraxtda qushning sayrashi,
Qishlog’im mathini shu qushdan so’ra.

Bir yonda tog’lar-u, birida qirlar,

Yoshlarning qalbida kezadi viqor,
Qishlog’im tarixiga ko’milgan sirlar,
Gar qadam qo’ysang yerlar larzakor.

Daryomiz bo’yida jo’shib ilhomim,

Qalbimdan so’zlarim tizilib tushdi,
To’lib qolganida qo’lda qog’ozim,
Qishlog’im ko’rkiga yana ko’rk qoshdi…!