|
MMIBDO’ __________ __________________________
Sana:__________ 20___yil 7-sinf
Mavzu: Qo‘shma va juft ravishlarning yasalishi va imlosi
Darsning maqsadi:1.O’quvchilarga qo‘shma va juft ravishlarning yasalishi va imlosi haqida ma’lumot berish. Kundalik turmushda bu qoidalarga rioya qilishni shakllantirish. Nutqiy va lingvistik (tinglab tushunish, gapirish, o‘qish, yozish) kompetensiyalarni o’stirish. badiiy va san’at asarlarini tushunish;
2.Ona Vatanni asrab-avaylash har birimizning burchimiz ekanligini o’quvchilarga uqtirish,Vatanga munosib farzand bo’lishga undash.Vatan ravnaqi yo’lida fidoiylarcha mehnat qilishga chaqirish. farzandlik va o‘quvchilik, fuqarolik burch va huquqlarini bilish, unga rioya qilish; xalqining tarixiy, ma’naviy va madaniy merosini avaylab asrashga chaqirish. bilimini mustaqil ravishda oshirib borish, o‘qib o‘rganganlarini o‘rtoqlari bilan muhokama qilish;
3.O’quvchilarning lug’at boyligini oshirish.Mustaqil ishlash ko’nikmasini o’stirish. Mavjud axborot manbalaridan foydalanib (internet, telefon, kompyuter, elektron pochta) ma’lumot almashish; odob-axloq qoidalariga rioya qilish;
Darsning turi:yangi bilim beruvchi va mustahkamlovchi
Darsning usuli:
Darsning jihozi: darslik,tarqatmalar, rasmlar, multimediya,…
Darsning borishi: A) Tashkiliy qism.
Salomlashish,davomatni aniqlash,o’quvchilarni darsga tayyorlash.
“Kun yangiligi” rukni asosida suhbat
B) O’tilganlarni mustahkamlash.
Uy vazifasi so’rab baholanadi. O’qilgan badiiy asarlar tahlili qilinadi.
S) Yangi mavzu:
5- mashq. Maqollarning ikkinchi qismini topib yozing.
Qatra-qatra yig‘ilib daryo bo‘lur. Oz bo‘lsa ham soz. Izzat tilasang, kam de. Olim so‘zi oz. Oz-oz o‘rganib dono bo‘lur. O‘ylab gapir. Sihat tilasang, kam ye. O‘ynab gapirsang ham.
Bilib oling!
Ravishlar ko‘p hollarda juft va takror holda qo‘l-lanadi. Juft ravishlar ikki so‘zdan, takroriy ravishlar esa bir asosning takrorlanishidan yasaladi va chiziqcha (-) bilan yoziladi.
6- mashq. Avval juft ravishlarni, so‘ngra takroriy ravishlarni ko‘-chiring.
Namuna: Juft ravishlar: eson-omon, ...
Takroriy ravishlar: tez-tez, ...
Eson-omon, yonma-yon, ba’zi-ba’zida, tez-tez, asta-sekin, kecha-kunduz, u yoq-bu yoqqa, qayta-qayta, sal-pal, kamdan kam, hamma yoq, bugun-erta, asta-asta, uncha-muncha, qishin-yozin, zo‘rg‘a-zo‘rg‘a, onda-sonda.
7- mashq. Berilgan gaplardan juft va takroriy ravishlarni aniqlang, qo‘llanishidagi farqlarni tushuntiring.
1.Bu yo‘ldan mashinalar tez-tez o‘tadi. 2. Akam naridan beri nonushta qilib, ishga shoshib ketdi. 3. Asta-sekin tong ham ota boshladi. 4. O‘quvchilar birin-ketin sinfga kirishdi. 5. Tanlovning natijasi erta-indin ma’lum bo‘lib qolsa kerak. 6. Nodir jahl bilan u yoqdan bu yoqqa yura boshladi.
D)Mustahkamlash. Adabiy o‘qish . Chegaradan maktub
Akam chegarada xizmat qiladilar. Akam har xatlarida shu gaplarni yozadilar: „Ukajon, o‘qishlaring yaxshimi, katta bo‘l-sang sen ham chegarachi bo‘l. Chunki chegarada xizmat qi-lishning zavqi o‘zgacha. Go‘yo sen chegarani emas, butun ona-Vatanni qo‘riqlayotgandek bo‘lasan...“Qani endi tezroq katta bo‘lsam-u, akamdek xizmatga cha-qirilib, chegarachi bo‘lsam. Chegarada turib, josusni ushlasam. Bir safar xatimda akamdan shu haqda so‘radim: „Akajon, bor-di-yu men ham chegarachi bo‘lsam-u, josus ushlamay xiz-matdan qaytsam, chegarachi hisoblanamanmi?“Akam xatimga shunday javob qildilar: „Ukajonim, shuni bilki, chegaramiz juda mustahkam. Undan pashsha ham o‘tol-maydi. Agar sen postda hushyor turib, o‘z vazifangni sergaklik bilan ado etsang, haqiqiy chegarachi bo‘lasan.
Topshiriq: Maktubni o‘qing, mazmunini so‘zlab bering.
Mavzu yuzasidan savol va topshiriqlar:
1. Vatanga sadoqat, vatanparvarlik deganda nimani tushu-nasiz?
2. O‘z Vatani uchun jonini fido qilgan xalq qahramonlaridan kimlarni bilasiz?
3. Ravishlarning yasalishi va imlosi haqida so‘zlab bering.
F)Baholash.
Uyga vazifa. Maktub namunasidan foydalanib, askarlik burchini o‘tayotgan akangiz yoki tanishingizga xat yozing.
Do'stlaringiz bilan baham: |
