Ona tilim-jon-u dilim

Sardor:
— Qoyil. Tillarni yaxshi bilar ekansan.
Botir:
— Ha, poytaxtda hamma imkoniyatlar bor-da.
Komil:
— Sizlarda ham hamma imkoniyatlar bor ekan-ku. Bu qishloq maktabi shahar mak-tabidan qolishmaydi. Tillarni o'rgatadigan to'garaklarda bilim olishni davom ettiryapman.
Sardor:
— Rost aytyapsanmi? Bizning qishloqda-ya?
Komil:
— Xohlasangiz, men bilan birga borishingiz mumkin. 0‘zim sizlarga tillarni o'rganishin-gizda yordam beraman.
Botir va Sardor:
— Yaxshi bo'lar edi.
Komil:
— Faqat bir shartim bor.
Bolalar:
— Qanday shart ekan?
Komil:
— Bundan keyin ona tilimizda chiroyli so'zlashasiz. Har xil so‘zlarni qo‘shib tilimizni buzmaysiz, nutq madaniyatiga rioya qilasizlar.
Bolalar:
— Mayli, biz rozimiz!
(Sahna kо‘rinishi tugaydi).
2-boshlovchi:
— Endi ish-tirokchilar to‘rt guruhga bo'linib, ustozimiz tomonidan tayyorlab kelingan boshqotirmalarni ye-chishadi. Boshqotirmani to‘g‘ri va birinchi bajargan guruh g‘olib deb e’lon qilinadi.
Ular boshqotirmani yechib turguniga qadar yana bir guruh o‘quvchilarimiz Abdulhay Karimov ijrosidagi «O‘g‘il bola» qo'shig'iga raqs ijro etishadi.
1-boshlovchi:
— Zamonamiz yoshlari nafaqat o'zbek tilini, balki xorijiy tillarni ham puxta o'rganish-moqda. Bugungi tadbirimizga ham do'stlarimiz har xil tillarda bizlarni qutlashmoqchi.
(O'quvchilar ingliz, rus, fransuz, qirg'iz... tillarida mehmonlarni til bayrami bilan tabriklaydi).
2-boshlovchi:
— Hurmatli mehmonlar, ustozlar va o'quvchilar! Mana, til bayramiga atalgan tadbirimiz ham o'z nihoyasiga yetdi.
1- boshlovchi:
— Ishonamizki, qayerda bo'lmaylik, har birimiz ona Vatanimizni sevganimiz kabi jonajon tilimizni ham sevamiz, ko'z qorachig'idek asraymiz, ardoq-laymiz. Niyatimiz, tilimizning shuhrati yanada ortsin, elimizni ellar bilan bog'lab, mustaqilligimiz yanada mustahkam bo'lishiga xizmat qilsin.
Boshlovchilar birgalikda: — Azizlar, barchangiz bilan xayrlashib, «Yoshlar madhiyasi»ni birgalikda kuylashga chorlaymiz!


Yakuniy qismda Muhammad Yusufning «Tavallo» she’ri, Yulduz Usmonova ijrosidagi «Fidoying bo'gaymiz seni, O'zbekiston!» («Yoshlar madhiyasi») qo'shig'i yangraydi.