Ona tili ва adabiyotini o’qitish metodikasi

UMUMIY PEDAGOGIK TAHLIL
Umumiy pedagogik tahlil darsdagi hamma jihatlarning qisqa va engil ko’rinishidagi tahlilidir.
Darsni umumpedagogik jihatdan tahlil qilganda quyidagilar hisobga olinadi:

1. 
   Dars jihozlari.
   
2. 
   Sanitariya-gigiena holati.
   
3. 
   Dars bosqichlaridan to’g’ri foydalanish.
   
4. 
   O’qituvchining pedagogik-psixologik jihatdan namunali shaxs darajasiga ko’tarila olishi.
   
5. 
   O’quvchi bilimiga qo’yiladigan bahoning adolatli, izohli bo’lishi.
   
6. 
   O’quvchilarning intizomi.
   
7. 
   Tashqi muhit, ish sharoiti.
   
8. 
   Partalarning o’quvchilar gavdasiga mosligi.
   
9. 
   Darslikdagi savollar.
   
10. 
    O’qituvchining o’quvchiga bergan savollari.
    
11. 
    O’quvchining o’qituvchiga bergan savollari.
    

O’quvchining darsda bajargan ishi, mehnati dars talabi jihatdan foydali yoki foydasiz bo’lib chiqishi mumkin. Bu jihatdan tahlil qilishda quyidagilar hisobga olinadi:
a) o’quvchilarni qo’yilgan masalani o’rganishga tayyorlash;
b) darslik va boshqa qo’llanmalar ustida ishlash, qo’shimcha adabiyotlardan foydalanish;
v) mutaqil ishlash jarayonida o’qituvchi suhbatining o’quvchiga ta’siri;
g) o’quvchining o’zi bajargan mustaqil ishdan yakuniy xulosa chiqara olishi;
d) o’rganilgan ta’rif va qoidalarni mustaqil ish jarayonida qo’llay olishi.
O’z darsini o’zi tahlil qilish
Dasrlar faqat o’zgalar tomonidan tahlil qilinibgina qolmay, ular dars olib borgan o’qituvchining o’zi tomonidan ham tahlil qilinishi mumkin.
Kamchiliklarni tugatish, o’z darsini qayta qurish maqsadida o’qituvchi darsdan chiqqach, dars jarayonini to’la eslashga harakat etadi va har bir dars bosqichida bajarilgan ishlar, qo’llanilgan usul va metodlarni tahlil qiladi va ularni nimalar bilan to’ldirish kerakligini aniqlaydi.
Dars tahlil daftari
“Dars tahlil daftari” o’qituvchi ishini, mehnatini baholovchi qudratga ega bo’lib, kelgusi darsga reja belgilab, maktab hayotini aks ettiruvchi ko’zgudir.

Muhokama uchun savollar:

1. O’quv predmetlarining o’ziga xos xususiyatlariga va pedagogik talablariga ko’ra darslar necha ko’rinishda bo’ladi?
2. Darsni umumpedagogik jihatdan tahlil qilganda nimalarga e’tibor berish kerak, deb o’ylaysiz?

3. Maktab sharoitiga moslab yozilgan asarlar va to’plamlar, (adabiy-badiiy matnlar) necha xil bo’lishi mumkin. Fikringizni bildiring.