«ona tili o`qitish metodikasi» fani

Tayanch tushunchalar
“O`quvchi - o`quv materiali-o`qituvchi” munosabatlari. O`quvchi ta`lim jarayonining sub`kti-faol ishlovchisidir. Buning ma`nosi shuki, mashg`ulot jarayonida asosiy ishni o`quvchilarning o`zi bajaradi. U til hodisalarini kuzatadi, taqqoslaydi, guruhlaydi, umumlashtiradi, qoida va ta`riflar siqaradi. Ularni amaliy faoliyatda tadbiq etadi.

Ona tili darslari- o`quv ishlarini tashkil etishning asosiy shakli. O`quvchi ona tilidan zaruriy bilim, malaka va ko`nikmalarini asosan dars orqali oladi. “Dars” – bir xil sinfdagi o`quvchilar bilan qat`iy jadval asosida o`tkaziladigan mashg`ulot turi.

“Mashg`ulot” – darsga qaraganda keng tushuncha. Dars belgilangan qat`iy jadval asosida va qat`iy vaqt ichida o`tkazilsa, mashg`ulot dars bilan bir qatorda o`quvchilar bilan birga yoki yakkama-yakka holda o`tkaziladigan ta`limiy ishlarni ham o`z ichiga oladi.

Darsga ajratilgan vaqt 45 minutni tashkil etadi. Ona tili darslari oldiga muayyan talablar qo`yiladi: bu talablar quyidagilar:

DTS talablari doirasida:

• 
  O`quvchilar nutqini o`stirish, imlo savodxonligini oshirish, talaffuz me`yorlarini shakllantirish va rivojlantirish, ifodali o`qish uchun zaruriy bilim, ko`nikma va malakalar bilan qurollantirish;
  
• 
  Ta`lim tamoyillariga qat`iy amal qilish, dars metodlari, vositalari va usullarini to`g`ri belgilash;
  
• 
  Ta`lim, tarbiya va rivojlanishning uyg`unligini ta`minlash.
  
• 
  Qayta xotirlash, qisman ijodiy va to`liq va ijodiy topshiriqlar o`rtasida mutanosiblikni tanlash; ijodiy fikrlashga undaydigan o`quv topshiriqlarga keng o`rin ajratish;
  
• 
  Bilim, ko`nikma va malakalar hosil qilishda o`quvchilar yosh, o`qish imkoniyatlari va shaxsiy xususiyatlarini hisobga olish.
  

Ona tili darslarining tarkibiy qismlari:

I. Tashkiliy qism

II. Uy vazifasini tekshirish.

3. 
   O`tilgan mavzuni xulosalash.
   

IV. Yangi mavzu.

V. Yangi mavzuni mustahkamlash.

VI. Xulosalash.

VII. Uyga vazifa.

VIII. Baholar izohi.