Она тили “Фонетика” бўлимини ўқитишда таълимий ўйинлардан фойдаланиш

Aim.Uz

Она тили “Фонетика” бўлимини ўқитишда таълимий ўйинлардан фойдаланиш

Биз техника ва технологиялар билан ҳаётимиз осонлашган бир даврда яшаяпмиз. Барча соҳаларда бўлгани каби таълим соҳасида ҳам бир қатор инновацион ғоялар таълим сифатини кўтаришга сафарбар этилди. Янги дарсликлар, кўргазма ва кўрсатмали воситалар, электрон китоблар барчаси янги давр кишисини шакллантириш ва ривожлантиришга қаратилди.

Айниқса она тили фанини умумий ўрта таълим мактабларида ўқитилишига эътибор кучайди.
Она тилини ўқитишда дарсликдаги маълумотларин бериш билангина чекланиш таълим сифатини таъминлаб бермай қолди. Шунинг учун бугунги замон педагоги турли хил ўқитиш усуллари орқали ўқувчини мавзуга жалб этиши ва ДТСдан кўзланган мақсадга етиши лозим. Айниқса 5-синфда она тили фанидан Фонетика ва Лексикология бўлимларини ўқитишда бироз мураккабликлар юзага келиши мумкин. Шунда педагог анъанавий таълим методларидан чиқиб, ноанъанавий йўсинда сабоқларни ташкил этиши самарали натижа беради.
Масалан,

“Светафор” таълимий ўйини.

Бу ўйинда “Фонетика” бўлими юзасидан ўтилганларни такрорлаш дарвларида кенг фойдаланилади. Ўйинга уч хил, яъни светафор рангидаги карточкалар ҳамда саволлар учун машиналарнинг аплекациясидан фойдаланиш мумкин. Бунинг учун рангли карточкалар ўқувчиларга тарқатилади.ўқитувчи саволлар ёзилган кўргазмани доскага илади.
Синф гуруҳларга ажратилади. Гуруҳ аъзолари тартиб билан саволларга жавоб беради. Жавобни тўғри деб ҳисоблаган ўқувчилар яшил, нотўғри деб ҳисоблаганлар қизил, саволга жавоб топа олмаган ўқувчилар сариқ крточкани кўтарадилар. Ҳар уччала гуруҳга 3 тадан 5 тагача савол бериш мумкин. Ҳар бир сариқ карточкага бир балл айириб олинади. Қизил карточкада нотўғри деб топилган саволнинг аниқ жавоби учун бир балл қўйилади, нотўғри жавоб учун ярим балл айириб қолинади.
Масалан 1-гуруҳда 30 балл, 2-гуруҳда 30 балл, 3-гуруҳда 30 балл бўлиб, биринчи гуруҳ 5 та сариқ карточка йиғса, 25 балл қолади.
Қизил карточка кўтарганлар жавобнинг нима учун нотўғрилигини изоҳлаб берадилар. Изоҳлаб бера олмасалар ярим балл камаяди.
Ўйин охирида энг фаол қатнашган гуруҳ тақдирланади.
Ўқитувчи ўйин учун саволни дарсликдан келиб чиққан ва болаларнинг ёш хусусиятларини инобатга олган ҳолда тузиши шарт.