Ona tili 4 sinf ona tilidan dars ishlanmalari

Darsning metodi
:suhbat, analiz, mustaqil ish metodi. 
Darsning jihozlari:
uyushiq bo‗lakli gaplar yozilgan kartochkalar, 
multimedia ilovalari. 
Darsning borishi:
I.Tashkiliy qism. 
II. O‗tilgan mavzuni mustahkamlash. 
Husnixat daqiqasi: 
Maktab – muqaddas dargoh.
 
O‗tilgan mavzuda berilgan uyga vazifasini tekshirish. Uy vazifasi 
tekshirilayotganda doim o‗quvchilarga "Qaysi so‗zda yoki shu so‗zning 
qayerida imlo xato qilib qo‗yish mumkin?" degan savol berish, o‗sha so‗zning 
imlosi ustida ishlash lozim.
III. Mustahkamlash.
14 

---

Darslik bilan ishlash
. 48-mashq. Berilgan gaplardagi takrorlanib kelgan 
so‗zlarni tushirib qoldirib, gapni qayta tuzing. Qaysi bo‗laklar uyushib kelganini 
ayting. 
1.Kuzda qaldirg‗ochlar issiq tomonlarga uchib ketadi. Kuzda bulbullar issiq 
tomonlarga uchib ketadi. 2. Bu qushlar Kavkazga uchib ketadilar. Bu qushlar 
Hindistonga uchib ketadilar. 3. Chumchuqlar esa o‗lkamizda qishlaydilar. 
Musichalar esa o‗lkamizda qishlaydilar. 
‒ Uyushib kelgan bo‗laklarni ko‗chirib yozing. 
‒ Berilgan gaplar bilan o‗zingiz tuzib yozgan gaplaringizni qiyoslang. Qay 
birida fikr ravon ifodalangan? 
49-mashq. Matnni o‗qing. Matnda nechta gap bor? Sizga gaplarning tuzilishi 
yoqdimi? 
Gaplarni qayta tuzib, matnni yozing. Uyushiq bo‗laklarning tagiga chizing. 
Qaysi bo‗laklar uyushib kelganini ayting. 
 
1-topshiriq.
Topshiriqni bajarish uchun o‗quvchilar uyushiq bo‗laklarni to‗lqinli chiziq 
bilan belgilaydi. Matn ostida bir chiziq, ikki chiziq va to‗lqinli chiziqlar 
beriladi.
Matnni o‗qing. Bir xil so‗roqqa javob bo‗lgan so‗zlarni toping. Ularning gapdagi 
vazifasiga ko‗ra tegishli chiziq bilan belgilang.
 
Gap qanday bo‗laklardan tuziladi?
Gapda qaysi bo‗laklar bir xil so‗roqqa javob bo‗ladi?
Gapning qaysi bo‗laklari uyushib kelishi mumkin?
Uyushiq bo‗laklarning qanday ahamiyati bor?