Oltingugurt vodorod sulfid sulfidlar. Ishning maqsadi

Vodorod sulfidning olinishi va uning yonishi

1-tajriba. Vodorod sulfid nihoyatda zaharli. Shuning uchun u bilan bo‘ladigan barcha reaksiyalarni mo‘rili shkafda bajaring.

Laboratoriyada mavjud bo‘lgan shunday reaktivlarni tanlangki, ular o‘zaro ta’sirlashganlarida xona temperaturasida vodorod sulfid gazini olish mumkin bo‘lsin. Tanlangan reaktivlar va ularning konsentratsiyalari to‘g‘ri tanlanganligini bilish uchun o‘qituvchiga ko‘rsating. 79 rasmdagi asbobni yig‘ing. Uni shtativga mahkamlab reaksiyani o‘tkazing. Reaksiya tenglamasini yozing. Gaz mo‘l miqdorda ajrala boshlagach, gaz o‘tkazuvchi naydan chiqayotgan gazni yoqing.Vodorod sulfidning to‘la yonish reaksiyasini yozing. Olov ustida kutilayotgan moddalar hosil bo‘layotganini namlangan indikator qog‘ozi va quruq varonka yordamida isbotlang.

Vodorod sulfid alangasi sovuq jisimga tekkganida yoki kislorod etishmaganda tula yonmaydi

Yonib turgan vodorod sulfid alangasiga chinni tigelning sovuq qopqoqchasini tuting. Unda sariq modda tuplanishini kuzating. Nima hosil buldi? Vodorod sulfidning chala yonish reaksiya tenglamasini yozing. Yonish jarayonida vodorod sulfid qanday kimyoviy xossani namoyon qiladi.