Oltingugurt vodorod sulfid sulfidlar. Ishning maqsadi

Plastik oltingugurtning olinishi

3-tajriba. Probirkani yarmigacha oltingugurt bilan to‘ldiring, qisqichga mahkamlab, chayqatib turgan holda ehtiyotlik bilan qizdiring. Oltingugurt oson qaynovchi sariq rangli suyuqlik hosil qilib eriy boshlaydi. Oltingugurtning rangini va qovushqoqligini o‘zgarishiga e’tibor berib, erigan oltingugurtni asta-sekin qizdirishni davom ettiring. Quzatilgan xodisalarni tushuntiring. Oltingugurtni qaynaguncha qizdiring va kristallizatordagi sovuq suvga ingichka oqim bilan quying. Agar bu holda oltingugurt yonib ketsa probirka og‘zini asbest bo‘lakchasi yoki asbest setkasi bilan berkiting.

Olingan massani suvdan chiqarib oling va uni elastik ekanligiga ishonch hosil qiling. Hosil bo‘lgan plastik oltingugurtni dars oxirigacha saqlang. Bunda siz amorf modifikatsiyasini kristallikka o‘tishini kuzatasiz. Xona temperaturasida oltingugurtning qaysi modifikatsiyasi barqaror? Olingan moddaning xossalarini va u bilan sodir bo‘layotgan o‘zgarishlarini tushuntiring.