Олмалиқ филиали “кончилик иши ва металлургия” факультети

2.4. Карьер майдонини очиш.
Курс лойиҳасининг ушбу бўлимида қуйидагилар асосланади:
а) карьер майдонини очиш усули (қабул қилинган қазиб олиш тизими, карьер транспорти кўриниши, тўкма жойланадиган майдон, шамол йўналиши, ташиш ишлари ҳажми ва бошқалар);
б) капитал трассалар шакли;
Транспорт тури билан мос ҳолда қабул қилинган бошнишаб бўйича қуйидагилар ҳисобланади:
а) трасса узунлиги ва элементларининг назарий ва ҳақиқий қийматлари;
б) капитал ва қирқим траншея ҳажми ва берилган карьер унумдорлигини ҳисобга олган ҳолда карьернинг қазиб олиш ишларини бошлаш вақтигача бажарилган кон капитал ишларининг ҳажми;
в) капитал траншеянинг транспорт воситаларини ўтказиш қобилиятининг талаб қилинадиган ва мумкин бўлган имкониятлари текширилади.

2.5. Қазиб олиш тизимини комплекс механизциялаштириш структураси.
Қазиб олиш тизимини комплекс механизциялаштириш структураси карьер унумдорлиги ва кон-техник шароитларига мос ҳолда қабул қилинади.
Қазиб олиш тизимида карьерни очиш ,юк оқимини тўғри йўналтириш ва комплекс механизциялаштириш структуралари бўйича қабул қилинган ечимлар танлаб олинади.
Лойиҳанинг ушбу қисмида қуйидагилар ҳисобланади:
Қўлланиладиган (қабул қилинган) ускуналарни ҳисобга олган ҳолда қазиб олиш тизими ўлчамлари (қоплама жинслар ва қазиш участкалари бўйича поғоналар баландлиги, экскаватор киримининг кенглиги, ишчи майдон ва транспорт бермалари ўлчамлари, ковжой (забой) нинг бир сутка давомидаги сурилиш тезлиги, иш фронтининг бир йилдаги силжиш тезлиги, кон ишлари чуқурлашиш кўрсатгичи (мароми), горизонтлар бўйича иш фронтининг узунлиги, поғонадаги блоклар сони, бир вақтнинг ўзида қазиб олиш ишлари олиб бориладиган поғоналарнинг зарурий сони).


2.6.Кон жинсларини қазиб олишга тайёрлаш.
Кон жинсларининг физик ва механик хусусиятларидан келиб чиққан ҳолда барча технологик жараёнлардаги ускуналар максимал унумдорлигини таьминлаш мақсадида кон жинсларини механик ёки бурғилаш-портлатиш ишлари ёрдамида майдалаш кўриб чиқилади.
Лойиҳанинг амалиёт ёки справочниклар ( маьлумотлар тўплами) маьлумотларидан қуйидагилар қабул қилинади: портловчи модданинг солиштирма сарфи ва кон жинсларининг майдаланиш коэффициенти, бурғилаш дастгоҳи(станоги) нинг тури ва маркаси.
Лойиҳанинг ушбу қисмида қуйидагилар ҳисобланади:
а) поғонадаги кон массасининг портлатилгандан кейинги ёйилмаси (развал) ўлчамлари;
б) портлатиш скважиналарнинг жойлашиш тўри ( поғона остки қисмининг қаршилик чизиғи, скважиналар ва скважина қаторлари орасидаги масофа);
в) бир метр скважинадан қанча кон массаси чиқиши ,скважинанинг ПМ бўйича сиғими;
г) бурғилаш ишлари ҳажми;
д) бурғилаш дастгоҳининг унумдорлиги, бурғулаш дастгоҳлари ишчи парки;
Портлатиш тармоғи схемаси ва портлатиш усули танланиб,асосланади.
Зарядлаш ишларини бажариш учун машина тури ва маркаси танланиб, унинг унимдорлиги ва ишчи парки ҳисобланади.