Oliy va o`rta maxsus ta`lim vazirligi

O`quvchining  asosiy  ish  mazmuni  –  xizmat  ko`rsatuvchi  texnologik  jarayonlar  mohiyatini 
anglash, ish rejimini optimal ajratish, faoliyatning murakkab tomonlarni o`z vaqtida aniqlash va ularni 
ta’mirlash, ish yuqori sifatni ta’minlovchi texnologik jarayonni aniqlash. 
Maxsus  o`qitish  jarayonida  tablim  oluvchilarni  korxonaning  xususiyatlari  bilan  aniq  va 
mukammal  tanishtirish,  ularning  korxonadagi  barcha  ish  turlarini  bajarishda  egallagan  bilim  va 
malakalarini  amalda  qo`llay  olishlarini  ta’minlash  lozimdir.  Ta`lim  oluvchilar  ishlab  chiqarishning 
texnik va texnologik jarayonlari, qurilma va moslamalar haqidagi bilimlarini amalda qo`llay bilishlari 
lozim.  Kasbiy  ko`nikma  va  malakalarni  rivojlantirish  keng,  umumtexnikaviy  asosida  olib  borilishi 
kerak.  Bu  o`z  navbatida  ishchining  istagan  korxonada  faoliyat  ko`rsatishini  ta’minlaydi.  Maxsus 
o`qitish  jarayonida  o`qituvchi  ustaning  ishlab  chiqarish  jarayoniga  tayyorlashda  quyidagilarga 
erishmog`i lozim: 
1.  Ta`lim  oluvchini  hozirgi  zamon  texnika  jarayoni  metodlari  hamda  zamonaviy  metod  va 
qurilmalarda ishlashga o`rgatish. 
2.  Mehnatni  tashkil  etish  metodi  ham  o`quvchini  zarur  bo`lgan  bilim,  ko`nikma  va  malakalari 
darajasi  hamda  kasbiy  malakasiga  ko`ra  turli  ish  operatsiyalarini  zamonaviy  texnologiya  talablariga 
muvofiq beruvchi ishlab chiqarishni tashkil etish. 
3.  Ta`lim oluvchini ish me’yoriga amal qilishga nisbatan ijodiy yondoshishga o`rgatish. 
4.  Korxona ish chizmalarini to`g`ri o`qish hamda texnologik xujjatlardan to`g`ri foydalanishga 
o`rgatish. 
5.  Korxona  jamoasi  tomonidan  o`quvchi  ishi  sifatidan  muhim  tarbiyaviy  omil  tarzida 
foydalanishga erishish. 
6.  Ta`lim  oluvchini  mehnat,  ishlab  chiqarish  va  yong`in  xavfsizligi  talablariga  amal  qilishga 
o`rgatish. 
7.  Ta`lim  oluvchida  ish  o`rni  va  qurollariga  nisbatan  javobgarlik,  ularni  qadrlash  hissini  hosil 
qilish. 
8.  O`quvchida  ish  madaniyati  haqida  taassurotni  yuzaga  keltirish  ish  joyini  tashkil  etishni 
o`rgatish. 
9.  SHunday  ishchi-mutaxassisni  tarbiyalashga  erishish  kerakki,  u  har  qanday  holda  ham  ish 
unumdorligini  oshirishga  o`z  hissasini  qo`shsin.  Ishchilarni  korxona  obro`li  va  ish  sifatini  oshirish, 
mehnat intizomiga qat’iy rioya qilish ruhida tarbiyalash.