Oliy va o`rta maxsus ta`lim vazirligi termiz davlat universitetining

Mavzuning dolzarbligi: kichik yoshdagi o’quvchilarni geometrik tushunchalarini boyitish, geometrik terminlar bo’yicha nutqlarini o’stirish va matematika darslarida didaktik tamoyillar yordamida geometriyaga oid misol va masalalar yechish bo’yicha bilim va malakalarni oshirish.
Hozirgi zamon matematikasi natural son tushunchasini asoslashda to’plamlar nazariyasiga tayanadi. Chekli to’plamlar elementlari orasida o’zaro bir qiymatli moslik o’rnatish o’zaro ekvivalent to’plamlar sinflarini ajratish imkonini beradi, shu bilan birga bu sinflarning har birini xarakterlovchi umumiy narsa-natural sonlarni ajratish imkonini beradi. Geometrik material boshlang’ich sinflar uchun mustaqil bo’lim sifatida o’quv dasturiga kiritilmaydi. O’quv jarayonida geometriya elementlarini o’rganish bilan bevosita bog’lab olib boriladi.
Geometrik mazmundagi masalalarni yechish, hisob-kitobga o’rgatish davomida geometrik figuralardan, didaktik material sifatida foydalanish - bularning barchasi o’quvchilarning geometrik taasurotlarini mustahkamlashga imkon beradi.
Mavzuning o’rganilganlik darajasi: N.U.Bikbayeva R.I.Sidelnikova, G.A.Adambekova “Boshlang’ich sinflarda matematika o’qitish metodikasi”da (Toshkent:O’qituvchi 1996-yil)geometrik materialni o’rgatishning nazariy asoslari ochib bergan va boshlang’ich sinflarda geometrik materiallarni o’rgatishdan ko’zda tutilgan asosiy maqsadlarni sanab o’tgan. A.Sh.Levenberg “Boshlang’ich sinflarda geometriyadan grafik laboratoriya ishlari” (Toshkent: O’qituvchi 1983 yil)nomli o’qituvchilar uchun o’quv qo’llanmasida foydalaniladigan amaliy ishlarga misollar keltirgan va ushbu metodning afzalliklarini bayon etgan. P.I.Sorokinning “4-sinfda geometriya materiallarini o’rgatish tajribasi” (Toshkent: 1953 yil) nomli kitobida biz 4-sinf geometrik materialni o’rgatishning metodlarini ko’rishimiz mumkin. Faqat bu ko’rsatmalar hozirgi kun standart va dasturlaridan bir qancha farq qiladi. M.E.Jumayev, Z.G’.Tadjiyeva “Boshlang’ich sinflarda matematika o’qitish metodikasi” (Toshkent: “Fan va texnologiya” 2005-yil) o’quv qo’llanmasida ham boshlang’ich sinflarda geometrik materialni o’rgatishning nazariy asoslari ochib bergan va uni o’rganish metodikasi bayon etilgan.