Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

Nikoh yoshi qaerda qanday?

Dunyoning etakchi olimlar guruhi turmush qurish yoshining eng optimal variantini e’lon qildilar. Unga ko‘ra 23-27 yosh oralig‘ida qurilgan oila ancha mustahkam bo‘lib, ajrimlar soni juda kamligi bilan ajralib turarkan. Mana shu yosh oralig‘ida turmush qurgan yoshlardan so‘rovnoma o‘tkazilganda, ularning asosiy qismi inson hayotida bir marta turmush qurishi kerak va umrining so‘ngigacha birga yashashlari, farzandlarni birga tarbiyalashlari lozim degan javobni berishgan. Erta turmush qurib ajrashganlarning ko‘pchiligi ham adashishganligini, aslida qayta-qayta turmush qurish natijasida insonning, hayotga bo‘lgan qiziqishi so‘nishi, o‘ziga va o‘zgalarga bo‘lgan ishonchining yo‘qolishi, o‘zini baxtsiz deb hisoblashi, ruhiy zo‘riqishlarning kuchliligi hayotiy faoliyatining boshqa sohalarida ham salbiy ta’sir ko‘rsatishini aytishgan. Tadqiqotlar o‘z yo‘liga. Amalda esa har bir davlatning o‘z an’analari, diniy e’tiqodlari va boshqa sabablar e’tiborga olinib, qabul qilingan Qonunlari mavjud.
AQSHning deyarli ko‘p SHtatlarida turmush qurish yoshi 18 yosh deb belgilangan. Amalda esa qizlarning ota-onalari roziligi bilan 16 yoshda turmush qurishi mumkin. Ayrim SHtatlarda agar qiz homilador bo‘lib qolsa, 15 yoshda ham turmush qurish mumkin.
Xitoyda qizlar 20, yigitlar 22 yoshda turmush qurishlari mumkinligi qat’iy belgilangan.
Rossiyada nikoh yoshi 18 yosh deb belgilangan. Ayrim hududlarida nikoh yoshi 14 yoshdan ham belgilangan. Bu esa qizlarning homilador bo‘lib qolishlari bilan bog‘liq.
YAponiyada yigitlar 18, qizlar 16 yoshdan turmush qurishlariga ruxsat beriladi. Vengriya va Polьshada ham shunday. Angliyada esa nikohlanish uchun qiz va yigit 16 yoshdan oshgan bo‘lsa bo‘lgani.
Fransiyada 1804 yildan buyon turmush qurish uchun qizlar 15, yigitlar 18 yoshda bo‘lishi talab qilinib kelgan. 2006 yilga kelib, qizlar va yigitlar uchun birday 18 yosh nikoh yoshi deb belgilandi.
Afg‘onistonda ham nikoh yoshi 16-18 deb belgilangan. Ammo qizlar ko‘p holda 8 yoshdan turmush qurishga majburdirlar.