Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

Abstinensiyannng uchinchi kuni ko‘ngli aynib qusadi, ichi ketadi, jag‘ muskullari tirishib og‘riydi, og‘zini ochib-yopish qiyinlashadi, qo‘l-oyoq muskullari tirishadi va og‘riydi.
Abstinensiyaning to‘rtinchi-beshinchi kunlari ruhiyati buziladi, ko‘ziga qo‘rqinchli narsalar ko‘rinadi, qulog‘iga qo‘rqinchli tovushlar eshitiladi (gallyusinatsiya), baqiradi, so‘kinadi, “narkotik beringlar” deb yalinadi, “bermasalariig o‘ldiraman” deb qo‘liga to‘g‘ri kelgan narsani otadi, boshini devorga urib yig‘laydi.
Abstinensiyaning oltinchi-ettinchi kunlari ruhiyatining buzilishi cho‘qqisiga etadi. U fikrlash qobiliyatini butunlay yo‘qotadi, ya’ni jinni odamga o‘xshab qoladi. SHifoxona yoki uyida qamab qo‘yilgan bo‘lsa, eshik- derazani sindirib qochishga harakat qiladi, yo‘lini to‘sgan yoki ushlamoqchi bo‘lgan odamni qo‘liga tushgan narsa bilan uradi, hatto o‘ldirishdan ham toymaydi.
Irodasi kuchli, bu kasallikdan tuzalishni ahd qilgan giyohvand abstinensiya holatining qiyinchiliklariga bardosh beradi, og‘riqlarga chidaydi va nihoyat, abstinensiyaning sakkizinchi – o‘ninchi kunlaridan boshlab ahvoli yaxshilana boshlaydi, ya’ni ruhiyati tinchlanadi, fikrlash qobiliyati tiklanadi, atrofdagilar bilan sog‘ odamdek muomala qiladi. Jag‘, qo‘l-oyoq muskullarining tirishib og‘rishi, ko‘ngil aynishi, tana haroratining
ko‘tarilishi va kasallikning boshqa belgilari asta-sekin barham topadi. Agar bemorga tibbiy yordam ko‘rsatilsa, abstinensiya holati engilroq o‘tadi, u tezroq tuzaladi. Lekin muntazam ravishda parvarish va nazorat qilish zarur. Bundan keyin ham bir yil davomida u nazorat qilinadi, uning ruhiyatini tinchlantirishga qaratilgan suhbatlar o‘tkaziladi, oldingi sheriklari va narkotik sotuvchi bilan uchrashmasligiga qaratilgan chora-tadbirlar ko‘rilishi lozim.
Aslida narkotik moddani aqalli bir marotaba qabul qilishning o‘ziyoq noxush holatlarga olib keladi. Birdan ko‘p miqdorda qabul qilish o‘limga sabab bo‘ladi. Giyohvand moddalarni tomirga yuborganda OIV/OITS kasalligini yuqtirishi mumkin.