Oliy va o’rta maxsus ta’lim vazirligi namangan davlat universiteti

Akmeologiyaning kreativ jihati – sarflangan kuch haqqoniyligini professionalizm, uning mahorat darajasigacha yuksaluvchi refleksiv-innovatsion potensiali va ijod jarayonida olingan ijtimoiy ahamiyatini tushuntirish yo‘li bilan belgilashga qaratilgan. Zero, eng dolzarb muammolardan biri – ta’lim, bilim berish sohasidagi milliy davlat dasturimizni yangi bosqichga ko‘tarish va yangi mazmun bilan boyitishimiz, zamonaviy bilim olish, hayotda kerak bo‘lgan kasb-hunarga ega bo‘lish va ish bilan ta’minlash hamda har bir bolaning o‘ziga xos qobiliyat va iste’dodini o‘z vaqtida payqash, tarbiyalash va ro‘yobga chiqarish, mutaxassislik madaniyati, odobi, ijod va еtuklik tajribasini chuqur egallashi bilan muntazam shug‘ullanish alohida ahamiyat kasb etadi.
Akmeologiyaning professional jihati – mehnat faoliyatidagi imkoniyat va natijalarni mavjud mehnat turi, ushbu jarayonning ijtimoiy holat darajasi va natijasiga ta’sirini kasbiy foydalilik, psixologik tayyorgarlikni tushuntirish orqali baholashga yo‘naltirilgan. Zero, shaxs mehnati o‘zining alohida xususiyatlariga ega bo‘lgan aqliy mehnat ekan, demak, bu mehnat ham o‘qishda, ham ilmiy faoliyatda va fan asoslarini ijodiy o‘zlashtirishda o‘z ifodasini topadi. Bu esa akmeshaxsning professional faoliyatidir.
Akmeologiyaning refleksiv jihati – xuddi rivojlanayotgan “MEN” degan shaxs o‘z ongi va ish faoliyati jarayonida hamkorlarning alohida tushunuvchanligi bilan bog‘liq inson professionallashuvida ajratilgan akmeologik jihatlarning optimal qo‘shiluvini taminlovchi sifatida ifodalanadi. Buni akmeshaxsning muruvvatli yoki sahovarli holati bilan qiyoslash mumkin. Muruvvat va sahovatda umummanfaatdorlik yuzaga keladi. Bu quyidagilarda namoyon boiadi: 1) jamiyatda insonparvarlik keng tarkib topadi; 2) mehr-oqibat va sahovat muhiti rivojlanib boradi; 3) ijtimoiy hamkorlik va birodarlik yuksala boradi; 4) ijtimoiy hamkorlik va birodarlik madaniyati shakllanadi. Demak, muruvvat va sahovat qadriyatlarining yuksalishidan ko‘pchlik manfaat ko‘radi. Bu akmeshaxsning asosiy fazilatlaridan biridir.