Oliy va o‘rta maxsus ta’lim vazirligi andijon davlat universiteti

Hujum harakatlariga o‘rgatish

Agar malakali bokschilarning jangiga diqqat bilan e’tibor qaratilsa, unda shuni sezish mumkinki, hujumlar, himoyalar va qarshi hujumlar doimiy ravishda jangovar o‘yin vaziyatlarida almashinib turadi. Masalan, bokschining himoyasi, faol bo‘lish maqsadida, qarshi zarbalar bilan birga amalga oshirilishi kerak. Faqat shundagina u mustah-kam va ishonchli bo‘ladi. Qarshi zarbalarsiz himoyalanish – raqib hujumlariga doim yo‘liqish demakdir.
Bokschining himoyalanishlarsiz o‘z hujumlarini tashkil etishi noto‘g‘ri bo‘lardi. Har bir hujum zarbasini himoya bilan mustahkamlash zarur. Masalan, chap qo‘lda to‘g‘ridan boshga zarba bilan hujum qilayotib, uni mumkin bo‘lgan qarshi zarbaga o‘ng kaftni ochiq holda qo‘yish bilan birga bajarish lozim. Manyovr olib borayotib, bokschi bir vaqtning o‘zida hujum va qarshi hujumlarni amalga oshirish uchun imkoniyat qidiradi.
Hujum qilish harakatlarini egallayotib, bokschi birinchi navbatda to‘g‘ridan zarbalar berib harakat qilishni o‘rganishi zarur. Ular orasida chap qo‘lda boshga takroriy zarbalar keng tarqalgan. Ular odatda o‘ng qo‘lda to‘g‘ridan boshga zarba bilan birga amalga oshiriladi.
Bokschining yuksak texnik mahorati o‘lchovi – bu uning zarbalar seriyasi yordamida hujum qilish qobiliyatidir. Seriya tashkil qiluvchi zarbalar turli xil uyg‘unlikda almashlab turilishi lozim.
Ko‘p hollarda faqat boshga yoki bosh va gavdaga navbatma-navbat beriladigan to‘g‘ridan zarbalar seriyalari qo‘lla-niladi.
Yosh bokschi ikkala qo‘lda pastdan va yondan zarbalar berish bilan hujum qilishni egallashi kerak. Ularni amalga oshirishdan oldin raqib diqqatini hujum
boshla-nishidan chalg‘ituvchi aldamchi zarbalar (fintlar) qo‘llani-ladi. Bunday fintlar masofani o‘zgartirish bilan bog‘liq o‘yin ko‘rinishidagi manyovr olib borish bilan birgalikda hujumdan avval bajariladi.
Har bir hujum boshi va oxiri bor bo‘lgan yaxlit harakat sifatida amalga oshiriladi. Har qanday hujum quyidagi fazalar bo‘yicha quriladi: tayyorgarlik, boshlovchi (birinchi) zarba, zarba seriyalari bilan hujumni rivojlantirish va jangdan chiqish. Ishonchli tarzda harakat qilish maqsadida, har bir hujumni shu fazalar bo‘yicha o‘rganish va takomil-lashtirish shart.

3.