Оliy vа o‘rtа mахsus tа’lim vаzirligi nizomiy nomidagi toshkent davlat pedagogika universiteti

I BOB Mutaxassislik fanlarini o‘qitish metodikasi faniga kirish. 
 
“Mutaxassislik fanlarini o‘qitish metodikasi” fani bakalavriat ta`lim 
bosqichida o‘qitilgan umumkasbiy va ixtisoslik fanlarining o‘ziga xos davomi 
sifatida qaraladi. O‘zbekiston Respublikasining jismoniy tarbiya va sport sohasida, 
shuningdek ta`lim sohasida olib borilayotgan tub islohotlarning amaldagi 
tadbig‘iga ko‘ra “Mutaxassislik fanlarini o‘qitish metodikasi” o‘quv fani ham 
o‘zining mazmuni va mohiyati jihatidan magistrlarni tayyorlash jarayonida muhim 
o‘rin egallaydi. Ta`lim davlat siyosati darajasiga ko‘tarilgan bir sharoitda 
magistrlarni “Mutaxassislik fanlarini o‘qitish metodikasi” fanini zamonaviy 
qirralaridan xabardor qilish mazkur fanning asosiy mazmuni bo‘lib hisoblanadi. 
 
1.1. Mutaxassislik fanlarini o‘qitish metodikasi fanining maqsadi 
5A112001-Jismoniy tarbiya va sport mashg‘ulotlari nazariyasi va metodikasi 
magistratura mutaxassisligida “Mutaxassislik fanlarini o‘qitish metodikasi” fanini 
o‘qitishdan asosiy maqsad – bo‘lajak jismoniy madaniyat o‘qituvchisiga kasbiy 
bilim, ko‘nikma va malakalarga ega qilish. O‘zbekiston Respublikasida jismoniy 
tarbiya va bolalar sporti tizimini bo‘lajak jismoniy tarbiya o‘qituvchilarining 
bilimlarini rivojlantirishni shakllantirish. Uzluksiz ta`lim tizimining barcha 
bosqichlariga bevosita aloqador bo‘lgan uslubiy jihatlardagi yangilik va 
muammolarni o‘rganish. Mutaxassislik fanlarini o‘qitish metodikasi fanini 
o‘rganish natijasida, bo‘lajak o‘qituvchi sport turlarini o‘qitish nazariyasi va 
amaliyotining murakkab tomonlarini o‘rganishlari, ularni ko‘pgina faktorlariga 
bog‘lashlari hamda o‘qitish va mashq jarayonida uzluksizligini o‘zgarishini 
aniqlab olishlari zarur. Shu asosda ular o‘rganuvchilar bilan olib boriladigan 
amaliy mashg‘ulotlar davrida va ilmiy izlanishlarda professional pedagogik 
malakalarni egallab olishlari lozim. 

---

7