Oliy ta’lim muassasalarida tarkibiy o‘zgartishlar o‘tkazish

Xalq taʼlimi va oliy taʼlimi tizimida faoliyat yuritgan mutaxassis sifatida maktablarimizning bugungi ahvolidan qoniqasizmi?

— Respublikamiz mustaqillikka erishganidan soʼng taʼlim-tarbiya sohasida olib borilayotgan ishlar tahsinga sazovor. Аmmo, barcha tumanlardagi maktablar ahvoli bir xil emas. Аyniqsa, viloyatlarning uzoq chekka tumanlarida joylashgan maktablarda asosiy fanlardan (matematika, fizika, kimyo, biologiya, informatika va b.) oʼqituvchilar yetishmaydi. Shu sababdan ularda bu fanlar koʼpincha oʼqitilmay qoladi. Maktab attestatlarida bu fanlar baholanmaydi.

Bu holat tuman, viloyat xalq taʼlimi boshqarmalari rahbarlariga, qolaversa xalq taʼlimi vazirligi rahbariyatiga ham maʼlum. Аfsuslanarli joyi shunda-ki, hech bir rahbar bu muammoni ochiq-oydin aytmaydi, statistik maʼlumotlardan koʼz yumadi va chora ham koʼrmaydi.

Bu muammo, 1993 yillardan, yaʼni respublika pedagogika oliy oʼquv yurtlariga qabul davlat test sinovlari natijalari asosida amalga oshirila boshlangan davrdan boshlangan. Masalan, fanlar boʼyicha oladigan boʼlsak shahar maktablarini bitirayotgan yoshlarning bilimi, tabiiyki qishloq maktablarini bitirib ketayotgan yoshlarning bilimidan ustun. Shu bois, ham respublika oliy oʼquv yurtlarida davlat byudjeti hisobidan oʼqiyotgan shaharlik yoshlar soni qishloq yoshlari sonidan koʼp boʼlmoqda. Аlbatta, shaharlik yoshlar oʼz shahridagi maktablar va tarbiya muasssaalarida qolib ishlash harakatida boʼladi, qishloq maktablariga borishmaydi.

—