Oliy ta’lim muassasalarida dasturlash tillarini o‘qitish samaradorligini oshirish uchun tayaniladigan tamoyillar

OLIY TA’LIM MUASSASALARIDA DASTURLASH TILLARINI O‘QITISH SAMARADORLIGINI OSHIRISH UCHUN TAYANILADIGAN TAMOYILLAR

Mirsanov U.M., Navoiy davlat pedagogika instituti dotsenti,

Ravshanova G.A., Navoiy davlat pedagogika instituti talabasi.


Annotatsiya. Ushbu maqolada oliy ta’lim muassasalarida dasturlash tillarini o‘qitish samaradorligini oshirish uchun tayaniladigan tamoyillar va larning maqsad va vazifalari haqida fikr yuritilgan.
Tayanch so‘zlar: oliy ta’lim, dasturlash, tamoyil, kompyuter, didaktik.

Mamlakatimizning oliy ta’lim muassasalarida dasturlash texnologiyalarini o‘qitish jarayonini tashkil etishni mavjud yondashuvlarini o‘rgatish hamda informatika va axborot texnologiyalari sohasini rivojlantirish masalalari dolzarb bo‘lib qolmoqda [1].

Ushbu muammolarni bartaraf etish uchun avvalo dasturlash tillarini o‘qitish tamoyillariga tayanishni, agar kerak bo‘lsa ularni takomillashtirish lozim. J.K.Nurbekova o‘zining tadqiqotida oliy ta’lim muassasalarida dasturlash tillarini o‘qitish uchun o‘quv maqsadlariga muvofiqlik, ilmiylik, informatika predmeti va mazmunini hisobga olish, didaktik, o‘qitish mazmunining birligi, istiqbollilik, minimallashtirish, kadrlar tayyorlash tarkibini shakllantirishda mahalliy va xalqaro tajribani hisobga olish va kasbiy-pedagogik yo‘nalish tamoyillariga tayanish lozimligini ta’kitlagan [2].
Bugungi kunda kompyuter texnologiyalari sohasinining jadal ravishda rivojlanishi tufayli dasturlash tillarini o‘qitishning zamonaviy o‘qitish usullari va vositalari kirib kelmoqda. Shu bois, oliy ta’lim muassasalarida dasturlash tillarini o‘qitishda yuqorida ta’kitlab o‘tilgan tamoyillar bilan birga “Zamonaviy o‘qitish texnologiyalariga amal qilish” tamoyilini ham kiritish lozimligini taqoza etadi.
Yuqorida J.K.Nurbekova va biz tomondan taklif etilayotgan tamoyillarning maqsad va vazifalarini qisqacha mazmuni bilan tanishib chiqamiz:
- o‘quv maqsadlariga muvofiqlik tamoyili. Ushbu tamoyil mutaxassislikning me’yoriy hujjatlarida aks ettirilgan ijtimoiy va shaxsiy ehtiyojlarga muvofiq o‘qitish mazmunini belgilashni nazarda tutadi.